SHEILA MHLONGO
UKUPHELA KWAMATHUBA EMSEBENZI KUBANTU ABANINGI KULELI NGENXA YECOVID-19 KUDALE UNKK ZANELE KHALOLI AFIKELWE UMCABANGO WOKUTHI ASUNGULE INHLANGANO AZOYISEBENZISA UKUSIZA ABANTU ABANGAKWAZI UKUQASHWA IKAKHULUKAZI INTSHA KANYE NABESIFAZANE OKUYIBO ABACINDEZELWA KAKHULU UBUPHOFU.
EKHULUMA NEPHEPHANDABA IKZN NAMUHLA UNKK ZANELE KHALOLI ONGUMSUNGULI WENHLANGANO IZINOJU SKILLS, UTHI LENHLANGANO YAKHE UYISUNGULE EMINYAKENI EMITHATHU EDLULE NGENXA YOKUBONA ISIDINGO SOKUTHI KUCIJWE INTSHA KANYE NABESIFAZANE NGAMAKHONO OKWENZA UMSEBENZI WEZANDLA UKUZE BAKWAZI UKUZIQASHA BONA NGOKUZISUNGULELA AMABHIZINISI ABO.
EQHUBA UNKK KHALOLI UTHI ININGI LABANTU ABASHA BAVAME UKUBA NAMAPHUPHO KANYE NAMATHALENTE KODWA BANGABI NAYE UMUNTU ONGABASIZA UKUBACHUSHISA UKUTHI BANGENZA KANJANI UKUTHI BAQHAKAMBISE IPHUPHO LABO.
MAYELANA NESIKOLE SAKHE IZINOJU SKILLS PROGRAM UTHI BASIZA KAKHULU NGOKUQEQESHA NGAMAKHONO AFANA NOKUTHUNGA (DRESS MAKING) KANYE NOKUSEBENZA NGEPULANGWE KWAKHIWA AMAKHABETHE EZINDLU (CAPENTRY), UKUCWALA UBUSO KANYE NEZINWELE (HAIRDRESSING AND BEAUTY MAKE-UP). WATHI KODWA ABAGCINI LAPHO NJENGOBA BAPHINDE BABHEKE NEMINYE IMIKHAKHA YAMAKHONO OKUYE KUHAMBISANE NGOKWEZIDINGO ZABANTU.
IZINOJU SKILLS PROGRAMS INAMAHHOVISI ETHEKWINI KUBEREA ROAD, KODWA FUTHI BAYAKWAZI UKUTHI BAHAMBELE EZINDAWENI EZAHLUKENE UMA KUKHONA ABAFISA UKUTHI BEZE KUBO BEZOBACIJA NGAMAKHONO NOA NGABE BAKUPHI NEKWAZULU-NATALI.
INANI LOKUQEQESHWA LIPHANSI KAKHULU NJENGOBA LISUKELA KUR350 NGOSUKU. KODWA UKWAZI KABANZI ABANTU BANGAKWAZI UKUXHUMANA NOMSUNGULI WEZINOJU SKILLS UNKK ZANELE KHALOLI KULENOMBOLO:083 758 9614
ADDRESS OFFICE 3B, 169 KING DINUZULU ROAD, DURBAN , KZN
