SBU MAMBA
Ezika Magebhula ezagebhula umuzi kaMasipala i-Orlando Pirates naMasandawana iMamelodi Sundowns baphakamise ifulegi lase Ningizimu Africa bengena kuma Quarter Finals eCAF Champions League, iPirates iwuqale kahle lomqhudelwano walonyaka we CAF futhi ayisabi muntu , ishaya ngisho amaqembu amakhulu ahlonishwayo ebholeni lase Africa , ngenyanga edlule italabhe i-CR Belouzdad ngo 2-1 kanti zolo lokhu ithuse abaningi iqumba phansi izimfivilithi ama Defending Champions i-Ahly Ahly ngo 2-1 e-Cairo International Stadium , eGibhithe. Amagoli ePirates ashaywe uRelebogile Mofokeng noTshegofatso Mabasa, iPirates iqede iqhwakele ku Group C ingasazi isibhaxu.
ISundowns nayo igcine ingenile kuma Quarter Finals eCAF Champions League kodwa emdlalweni wayo wokugcina idlale ngokulingana ngo 1-1 neqembu lase Morocco i-AS FAR, igoli laMasandawana lishaywe uPeter Shalulie kanti le AS FAR libekwe enethini u-EL Amine Zouhzouh esiwombeni sesibili.
Amaqembu ase Ningizimu Africa ashaya ngabaqeqeshi abasezingeni eliphezulu abadume ngokuwina izicoco, uJose Reviero we-Orlando Pirates (CAF Champions), Miguel Cardoso weMamelodi Sundowns (Caf Champions) noSteve Barker we Stellenbosch FC eku CAF Confederation Cup. Amaqembu esewonke azibekele indawo kuma CAF Quarter Finals 2025 ami kanje, soqala ngamaqembu akuleli, iSundowns ne Pirates bese kuba yi Alhilal, Pyramids Fc, As FAR, Alhly Ahly, Orlando Pirates, Experance Sportive de tunis neMc Alger.
Kanti ku Caf Confederation Cup, iNingizimu Afrika izomelwa izinsizwa zase Kapa i-Stellenbosch FC esingagayelwa mphako kulezinsuku , amaqembu esewonke ku-CAF Confederation kune Stellis , RS Berakne , Stellenbosch , USM Alger , Simba Sc , Zamalek Sc , CS Costatine , Al Masry ne Ase Mimosas.
