OWAMI THABETHE
I-South African National Roads Agency SOC Limited (i-Sanral) yenza igxathu kwezokuphepha emgwaqeni ngohlelo lokulungisa kabusha u-N3 phakathi kwe-Key Ridge ne-Hammarsdale ngemali engango R4 billion.
Esitatimendeni esikhishwe u Sanral le ngxenye ka-N3 ibiyindawo yezingozi eziningi, ikakhulukazi ezithinta izimoto ezithwala imithwalo emikhulu. Leligxathu alihlosile nje kuphela ukwenza ngcono ukuphepha emgwaqeni kodwa nokweseka ukukhula komnotho wendawo.
ISanral iveze ukuthi u-N3 usebenza njengomthombo obalulekile emnothweni waseNingizimu Afrika kanye noxhumano olubalulekile phakathi kweTheku neGauteng, kanye nokuthi ukulungiswa kabusha kuzosiza ukunciphisa izingozi nokubambezeleka kwezimoto, kuthuthukise ukuhamba kwezimpahla phakathi kwamachweba aKwaZulu-Natali kanye nesizinda somnotho wezwe.
Ukwengezwa kwamabhuloho amakhulu amane, okuhlanganisa namabhuloho amabili athulwe ngokwawo kancane kancane kanye namabhuloho amabili omgogodla, kuzothatha umgwaqo wezimoto ezimbili onemizila emihlanu. Lawa ngamabhuloho abanzi kunawo wonke alolu hlobo eNingizimu Afrika, futhi ukwakheka kwawo kuzodala ukuhleleka okushelelayo nokuphephile kuzo zonke izimoto. le phrojekthi kuhloswe ukuthi iqedwe ngo-2027.
AbakwaSanral baphinde bathi babeka eqhulwini uguquko ngokubeka u-30% wesabelomali salo msebenzi emabhizinisini aphethwe ngabesifazane, intsha, namanye amaqembu angameleli kahle. Kuze kube manje, sekuqashwe izakhamuzi zendawo ezingaphezu kuka-450, kanti imali eningi iqondiswe emabhizinisini . i.
