THOBILE MBATHA
Inyuvesi yaKwaZulu-Natali (UKZN) ithe ngeke ikwazi ukwamukela izicelo zokungena ngenxa yesibalo esiphezulu sezicelo ezitholiwe kepha izokwamukela eza-online.
Umqondisi omkhulu e-UKZN ophikweni lwe-Corporate Relations, uNormah Zondo, uthe bathole izicelo ezingaphezu kuka-250 000 ezivela kubafundi ababalelwa ku-110 000 abazofuna lezi zikhala. Uthe isibalo esiphezulu sezicelo sidalwa wukuthi iningi labafundi lifake izicelo zokwamukelwa ezinhlelweni ezingaphezu kolunye.
UZondo uthe izifundo ezidume kakhulu ezifakelwe izicelo abafundi abafuna ukungena kuzo kubalwa iBachelor of Education 38 577, Bachelor of Nursing 22 622 neBachelor of Science 35 867. Nokho uthe i-UKZN ilungiselela ukwamukela abafundi abangaphezu kuka-8 000 abaqala ngqa ukungena.
“I-UKZN inezikhala ezibalelwa ku-8 500 ezitholakalayo ze-FTENS ezinhlelweni zemfundo ephansi,” kusho uZondo.
Uthe zonke izinhlelo zokubhalisa zizophothulwa nge-inthanethi nasezindaweni ezikude. Uthe ngemuva kokukhishwa kwemiphumela ka-matric, i-UKZN nethe ibona kuyikho okubambezele abafundi.
