THOBILE MBATHA
Inhlangano engenzi nzuzo iGiant Heart ibambisene noMnyango Wezabasebenzi benze umbukiso we Career Exhibition obubanjelwe eCornubia ngenyanga kaFebhuwari kuwo lonyaka baphinde bahlomisa intsha ngamasu emisebenzi kanye namabhizinisi.
Umsunguli walenhlangano uMnu. Zenzo Shabangu kanye noSihlalo bekhuluma nephepha lomphakathi iKZN Namuhla bathe, “Inhloso yethu bekuwukuhlomisa intsha lena eneziqu kodwa engaqashiwe kanye nalabo abaphuma ezikoleni nalaba abasenza amabanga aphakeme 10, 11, kanye nebanga le12.
Baphinde bahlinzeka ngolwazi kulabo abafuna ukuqala amabhizinisi amancane. Intsha iphinde yahlomula ngediploma yephrojekthi yezolimo yeminyaka emibili ebiphethwe Imbewu Community Development. Ngakho intsha ingakwazi ukubeka isinkwa etafuleni uma izinikela ekuqaleni amabhizinisi.”bephetha
