Kuze kwasiza amaphoyisa uMama Joy osengumlandeli wokuqina we Royal AM obethukuthele egane unwabu kade ezakhe zibhekene neOrlando Pirates obekuyiqembu lakhe lakudala.
Kwi Video ebigudla ku Twitter, uMama Joy uvela intukuthelo ibhalwe emehlweni kumi izigora endleleni yakhe ebheke esangweni nama security agada e Stadium. Yize uMama Joy ebeliphethe ithikithi elimgunyazayo ukungena ezinkundleni zemidlalo, e Orlando Stadium ngolwesithathu.
“Bakwethu, mina angivunyelwe ukungena ngaphakathi kodwa nali ithikithi lami ngiliphethe, angazi kwenzakalani, abafunanga nokulibuka ithikithi lami!.”
Omunye wabaqaphi abebefake ezimnyama uthe kuthiwe bangamvumeli angene, nabo abazazi izizathu.Abalandeli bebhola elikhulu basigxekile lesisenzo kanti basola i Orlando Pirates ngokuhlukumeza lomlandeli owayilaxaza ejoyina ezika MaMkhize.
