IPhini leMeya, ukhansela Zandile Myeni beliyingxenye yokweseka iMashi yeMen’s Sector Forum ebisukela eKing Dinuzulu Park yaphelela eDurban City Hall enkabeni yeTheku, ngomhlaka 3 Julayi.
Lemashi yeMens’ Sector Forum ibiyingxenye yomkhankaso wokuqwashisa mayelana nezinkinga ezithinta abantu besilisa ngokwesimo somqondo wabo kanye nokuphokophela ukuqeda inkinga yokuhlukumeza ngokobulili kanye nodlame.
Phakathi kwababeyingxenye yalemashi kubalwa umbutho we Metro Police, abombutho wamaPhoyisa aseNingizimu Afrika (SAPS), RTI kanye nophiko lwe Community Participation Action Support.
