NKOSIE NTOMBELA
UNgqongqoshe wezokuThuthukiswa koMphakathi KwaZulu-Natal uNkk Nonhlanhla Khoza useqinisekise zonke izinhlangano ezingenzi nzuzo (NPOs) ukuthi zizozithola izinkokhelo zazo ekupheleni kuka-Okthoba njengoba ayethembisile phambilini.
Esitatimendeni asikhiphile uKhoza uphikile imibiko yokuthi ama-NPO abhekene nobunzima ngenxa yokwehluleka koMnyango wakhe ekuwaxhaseni ngemali.
UKhoza uthe ufisa ukugcizelela ukuzibophezela okungaguquki komnyango wakhe ekwesekeni ama-NPO KwaZulu-Natal, athe adlala indima enkulu ekusebenzeleni izinhlaka zomphakathi ezisengozini kakhulu.
“Siyajabula ukunazisa ukuthi izinkokhelo zesikhashana zikaSepthemba, noOctober, noNovemba sezikhishwe ngempumelelo kumaNPO amaningi kulezi zifunda ezilandelayo: iKing Cetshwayo, uThukela, uMzinyathi, iNyakatho yeTheku naseNingizimu yeTheku’’kuphetha uNgqonqgoshe wezokuthuthkiswa komphakathi Kwa Zulu Natali.
