SHEILA MHLONGO
Umsakazo iRadio Khwezi yelule isandla kubafundi abangu-54 ngemifaniswano yesikole. Lokhu
umsakazo ukwenze ngokubambisana nenhlangano yabalaleli bomsakazo eyaziwa ngo Masibumbane.
Kuloluhlelo lokwelula isandla kubhekwe abafundi abazalwa noma abazihlobo zamalunga ka
Masibumbane, njengoba inhloso kungukugqugquzela ukuzwana nokubumbana kubalaleli balo
msakazo. Umcimbi bewubanjelwe ehholo lase Ngwelezane nalapho amalunga asuka emagatsheni ka
Masibumbane aphume ngobuningi ukuba ezosekela lolihlelo. Akukona okokuqala lomsakazo wenza
okufanayo njengoba eminyakeni emithathu eyedlule benza okufanayo kubafundi abangaphezulu
kuka-30 abafunda ezikoleni ezakhele ne Greytown nase Pietermaritzburg.
Inhlangano ka Masibumbane seyikhule yaze yaba namagatsha abalelwa ku -50 esifundazweni
KwaZulu Natal, lenhlangano yabalaleli bomsakazo ayigcini ngokunikela ngemifaniswano njengoba
iphinde njalo ngonyakanihlele inkonzo yabesifazane ukuzokhulekela izinkinga imbokodo ebhekana
nazo imihla namalanga.
Umsakazo i-Radio Khwezi ngayo lenhlangano usukwaze ukusiza imindeni eminingi ngezinto ezifana
nama ID, izindlu kanye nokunikelela ngokudla emindenini eswele njengobanjalo ngonyaka behlonza
imindeni emihlanu noma ngaphezulu beyihambisele ukudla okungakwazi ukuthatha inyanga yonke,
lokhu kwenzeka njalo nge Family day okungu msombuloko wokuqala emva kwe Good Friday.
Ukuzwa ngezinhlelo ezihlelwa ngu Masibumbane ungalalela njalo ngama Sonto kusihlwa
emsakazweni Radio Khwezi (19:00-21:00). Uma ufisa ukuba lilunga nawe uyakwazi ukujoyina bese uba
ilunga labalaleli be Radio Khwezi. Umsakazo i-Radio Khwezi uyakwazi ukuwulalela ku 90.5 no 107.7
uma usezindaweni ezinaphakathi nesifundazwe kanti uyakwazi nokuwulalela ku-online streaming
www.khwezi.org.za ezinkundleni zokuxhumana ungabheka u-Radio Khwezi ku Facebook naku X
