ZETHU PHOSWA
INHLANGANO yezepolitiki i-African People First (APF), yethule umhlahlandlela wezethembiso zawo, ngesikhathi ubize isithangami sabezindaba emahhovisi ayo e-Commercial City, eThekwini, ngesonto eledlule.
UMnuz Muzi Hlengwa ongumsunguli wale nhlangano ophinde abe nguMengameli wayo, uthi kabasoze bashela ngamanga kodwa basebenzela ezintweni eziyisihlanu, okubalwa umhlaba, umnotho, ukuphucula isimo senhlalo e-Afrika, Ubuntu nokulwa nokucwasa ngokobuhlanga.
“ Kulezi zinto ezinhlanu, okuseqhulwini kubili okuyikona okuzokwenza lokhu okuthathu kuze kalula. Okuseqhulwini kuthina ukwenza abantu base-Afrika babuyelwe yisithunzi ngokuthi sibabuyisele umhlaba wabo, nokusetshenziswa kwawo ukuze kuthuthukiswe ezomnotho,” kubeka uMnu Hlengwa.
Le nhlangano i-African People First, isungulwe mhla ziyisi-8 kuLwezi (Novemba) ngonyaka wezi 2020, KwaMashu, ngaphansi kwesisekelo se-Socialism, okuchaza izinto azibuswe nguhulumeni.
