SBU MAMBA
Kusukela abafana bokuthula noxolo iKaizer Chiefs bememezele ukuthi bafuna umqeqeshi omusha ozothatha izintambo kumqeqeshi wesikhashana uCavin Johnson kuthiwa angena angenile ama – emails emahhovisini eChiefs aphuma lapha e-Africa nase Europe.
Izikhulu eziphezulu kuMpofana zifuna umqeqeshi waphesheya kwezilwandle osemkhantshubomvu kodwa abalandeli bafuna uMnumzane uPitso “Jingles”
Mosimane oqeqesha eSaudi Arabia nodume ngokuwina izicoco laphe Ningizimu Africa nasezweni laseGibhithe.
Kuzokhetha ukhethi , ezincwadini ezingenile kuvela namagama abaqeqeshi abahlonishwayo nabanomlando omuhle ebholeni lase-Africa nase-South America abalambele lomsebenzi wokucija iChiefs , singabala uRui Victoria odabuka ePortugal oseke wawina izococo eziwu 8, wadla iligi kabili kuzikhondlakhondla zase Portugal i-Benfica , Allesandro Santos (47) naye odabuka kwelase Portuguese oseke wawina iligi kabili kwelase Angola ecija iPetro de Luada , kube inkunzi yase-Argentina uMiguel Gamondi (57) ololonga izinsizwa zase Tanzania iYoung-Africans owake wawina i-Ligi lapha eNingizimu Africa ebambisene noNeil Tovey ngonyaka 2006/7 kulandele uJulien Chevalier (43) wase France oseke wawina iligi amahlandla amathathu e-Ivory Coast eqeqesha i-ASEC Misosas bese kuba uFlorent Ibenge (62) odabuka kwelase Congo naye unomlando omuhle kakhule ebholeni lase-Africa , useke wawina i CHAN neqembu lesizwe lase DR Congo , CAF Confederation kanye neMoroccan Cup ku-RS Berkane kwelase Morroco .
IChiefs iyabathanda abaqeqeshi baphesheya kanti nabo banenhlanhla yokudla izicoco eNaturena , izinsizwa ezazakhela ugazi kubalandeli be Cheifs ziwina izicoco singabala u Ted
Dumitru , Muhsin “Mshini” Ertugral no Stuart Baxter kanti noEnerst Middendorp unomlando
omuhle wokudlala ibhola elinenkosi phakathi.
