SHEILA MHLONGO
UMasipala weTheku usekhiphe isimemezelo sokwazisa izinhlangano zomphakathi ngesimemo sokuthi zifake izicelo zeGrant-In-Aid yonyaka wezimali ka 2024/25.
Loluhlelo lwe Grant-In-Aid lwenzelwe ukusiza izinhlangano ezingenzi inzuzo (Non Profit Organisations) kanye nezinhlangano ezingekho ngaphansi kukahulumeni (Non Government Organisations) ezisebenzela ukuthuthukisa imiphakathi yaseThekwini.
Esitatimendeni esikhishelwe abezindaba sithi, ukufakwa kwezicelo kuvulwe ngomhlaka 13 Meyi 2024 kanti kuyoze kuvalwe ngomhlaka 15 Julayi 2024.
Zonke izinhlangano ezifake izicelo impumelelo yazo incike ekutheni zigcine zonke izimfuno ezibekiwe ohlelweni lweGrant_In Aid.
UMasipala weTheku ukhuthaza izinhlangano ezibhaliswe ngokusemthethweni ukuthi zifake izicelo lapha kubalwa ezingaphansi kwemikhakha ehlukene okungaba ezemidlalo, izinkulisa, ezobuCiko, ezokungcebeleka, ezokuthuthukiswa komnotho, ezenhlalakahle, ezokuthuthukiswa kwamakhono, kanye nalezo ezingaphansi kwezenkolo.
Mayelana nendima esidlalwe iloluhlelo lwe Grant In Aid eminyakeni emithathu edlule, uSihlalo we Governance and Human Capital Committee, ukhansela Nkosenhle Mandlala, uthe uMasipala ukwaze ukwelula uxhaso lwaze lwafinyelela ku R16,9million ezinhlanganweni ezibalelwa ku 315.
“ Uhlelo lwe Grant In-Aid luthuthukisa lezinhlangano ezidlala indima ebelulekile ukuze zikwazi ukwenza umehluko emphakathini. Siyakuqonda futhi ukuthi uMasipala angeke akwazi ukwenza umehluko eyedwa, okungakho kubalulekile ukusebenzisana nezinhlangano zemiphakathi, ukuze sithuthukise izimpilo kanye nenhlalakahle yabantu baseThekwini.” kusho uMadlala.
Amafomu okufaka izicelo ayatholakala online:www.durban.gov.za. Kanti futhi ayatholakala emahhobisi kaMasipala e Community Participation and Action Support Unit ePinetown kanye nakuwo
Ukuqinisekisa ukuthi izicelo ziyaphumelela, amafomu kumele ahambisane namaphepha anemininingwane yonke edingakalayo kanye nefomu egcwalisiwe kahle ku: Sundry@durban.gov.za.
