LONDEKA HLATSHWAYO
UNgqongqoshe Wezemisebenzi Yomphakathi Nengqalasizinda, u-Dean Macpherson, ukuqinisekisile ukuthi nakuba uMnyango Wezemisebenzi Yomphakathi Nengqalasizinda, uqhuba ukungeniswa okushelelayo kwesigungu esiphezulu kanye namaLungu ePhalamende oPhiko Lwesi-7 Lokuphatha, ngokuhlinzeka ngamahhovisi omsebenzi kanye nezindawo zokuhlala., ngeke kube khona ukuthengwa kwanoma yisiphi isitokwe sezindlu esisha noma amahhovisi abo bobabili abaPhethe kanye namaPhalamende ngokufanayo.
UNgqongqoshe MacPherson uveze ukuthi kuzokwabiwa izakhiwo ezikhona zombuso nokuthi azikho izicelo zokuthengwa kwempahla entsha ezizojatshulelwa. Ngaphezu kwalokho, ngeke kube nokusetshenziswa kwemali ezakhiweni ezikhona futhi Amalungu Esigungu Esiphezulu kanye namaLungu EPhalamende kuzofanele abhekane nefenisha ekhona. Ngokufanayo akukho kuqashwa kwamahhovisi okusha okuzojatshulelwa.
“NjengoMnyango obhekelele ukuhlaliswa kwesigungu esiphezulu kanye namaLungu ePhalamende, sizohlalisa wonke amalungu avela ezindaweni ezikhona zikahulumeni. Ngeke siqashe noma siqashise noma iyiphi indawo yokuhlala noma indawo yehhovisi. Seziphelile lezo zinsuku. UMnyango ungiqinisekisile kimina ukuthi kunesitokwe esanele esikhona esingahlangabezana nezidingo zabo bobabili abaphathi kanye namaLungu ePhalamende” kusho uNgqongqoshe uMacpherson.
“Ukuma kwezimali okuqinile kombuso yikhona okubhekwe kakhulu kulesi sinqumo. Umnotho wethu awukwazi ukwamukela izicelo zokuthengwa kwezindawo zokuhlala ezintsha. Ngaphezu kwalokho, silalele umlayezo wezakhamizi mayelana nobuhlakani besikhwama somphakathi futhi sinciphise izinzuzo futhi sitshale kakhudlwana ekudaleni amathuba emisebenzi kanye nokukhulisa umnotho. Okuhamba phambili kwami ukutshala imali engqalasizinda futhi ngiguqule iNingizimu Afrika ibe yindawo enkulu yokwakha ngaphansi kwendikimba ethi #LetsBuildSA” kubeka uNgqongqoshe uMacpherson.
UNgqongqoshe uMacpherson usevele washaya ingwijikhwebu eMnyangweni, njengoba esehlangene nePhini likaNgqongqoshe uMnuz Sihle Zikalala noMqondisi-Jikelele uMnuz Sifiso Mdakane, ukudingida izinto eziningi ezibucayi ezikhona eMnyangweni. UNgqongqoshe uzohlangana nabanye ababambiqhaza emkhakheni wezokwakha kanye neNgqalasizinda emasontweni ezayo.
#LetsBuildS
