Owami Thabethe
UMshicileli we New York Christian Times uMfundisi Dennis Dillon uthe abamnyama basaqhubeka nokusalela emuva kwezinye izinhlanga kwezomnotho, eMelika nasemhlabeni omnyama, inaliti yezomnotho ayinyakazi. Uma kubhekwa ngokombono kahulumeni nowenhlalonhle-yomnotho, kubukeka sengathi abansundu bafakiwe kwezomnotho kodwa uma ubheka imininingwane futhi uhlola izinombolo ngokucophelela, kuyakhanya ukuthi abamnyama abafakiwe ngokulinganayo futhi basalele emuva kakhulu kwezinye izinhlanga kuzo zonke izinto zomnotho. Lokhu sebekubonile ukuthi kuyenzeka kakhulu futhi ezwenikazi I-Afrika.
Abantu abamhlophe baseNingizimu Afrika bahola cishe amaholo aphindwe kathathu kunesilinganiso esitholwa abantu abamnyama baseNingizimu Afrika, abathatha iningi labantu abasebenzayo. Idatha ikhombisa ukuthi igebe elandayo kanye nezizukulwane lithinta ngokulinganayo abantu abamnyama baseNingizimu Afrika. Lesi isizathu esenza abatshalizimali base Melika bezotshala lapha eMzansi Afrika njengoba bethi kufana nasekhaya kubona lapha pho kungani indlu emnyama ingasizani yodwa.
UMfu Dillon uthe emnyakeni eyishumi ezayo unesifiso sokubona imakethe yosomabhizinisi abamnyama bakuleli behwebelana nezwe lase Melika, bayafisa ukubona intengiso yezimpahla ezakhiwe e Ningizimu Afrika zigcwele phesheya kwezilwandle. Uqhube wathi ulibonile kakhulu isasasa labantu baseThekwini kumabhizinisi athinta umsebenzi wezandla, wathi sekuyisikhathi sokuthi abantu abamnyama base Melika begqoke izimpahla ezenziwe e Afrika. Emakethe yase Ningizimu Afrika sekumele kudayiswe izimpahla ezibhalwe ukuthi Made in South Africa,lokhu kuzowukhuphula umnotho wabantu abamnyama kuleli
“Sidayisa amasiko, sidayisa ukudla kwamasiko, sidayisa imvunulo yamasiko, sigunda izinwele—iningi lempumelelo ezuzwe ngamabhizinisi abamnyama ihlanganiswe nesiko,” usho kanje. . “Futhi sisho nje ukuthi sekuyisikhathi sokuthi sisuse amabhizinisi abansundu siye empuimelelweni. Kufanele siyihambise kakhulu ku-mainstream. Ngakho-ke sifuna ukwakha amabhizinisi amaningi okudayisa, inselelo esibe nayo endaweni yokudayisa iminyaka eminingi, yiqiniso lokuthi ezikhathini eziningi asinazo izindawo ezithengiswayo ezihambisana nezitolo. Futhi ezimeni eziningi zamabhizinisi okudayisa, ukuze aphumelele ngempela, kufanele kube nobuhlobo nosomabhizinisi abakhulu nabadala kulendima”,kuqhuba u Dillon
