SBU MAMBA
Umqeqeshi weMamelodi Sundowns uManqoba Mqithi othathe izintambo ku-Rulani Mokwena ngenyanga edlule uthi isicoco seMTN-8 sizodliwa Amasandawana , I-Sundowns yagcina ukuphakamisa isicoco seMTN ngo 2022 iholwa ngu Rulani Mokwena , ngesizini ka 2023 bakhishwa kabuhlungu Amabhakabhaka i-Orlando Pirates kuma Finals alomqhudelwano.
Iqembu elizonqoba iMTN 8 kulesizini lizokhala lemuke no-10 Million wamarandi , uMgqithi wake wasinqoba lesicoco ngo 2019 esaqeqesha abafana besithende i-Lamontville Golden Arrows umklomelo wayo kusengu R8 Million kuphela , lensizwa edabuka eMzimkhulu KwaZulu Natal ithi bafuna ukujabulisa abalandeli bamasandawana ngalesicoco seMTN.
Amasandawana angene kanzima kuma Semi-Finals eMTN 8 umdlalo wabo nePolokwane City uphele ngeqanda ngapha neqanda ngale kuze kwayiwa ku Extra time nakhona iSundowns yahlukeka kushaya igoli , esiwombeni sesibili se Extra time isitobha se-Polokwane City uThabang Matuludi ubhekwe yisambane uthe uzama ukuvimba ibhola eligotshwe uTebogo Mokoena umkhonto wagwaza ekhaya yanqoba kanjalo iSundowns yazibekela indawo kuma Semi Finals eMTN 8. Ekhuluma nabezindaba uMgqithi uthe ujabule ngomphumela kodwa wakhala ngabagadli bakhe abakhombise kubabuthuntu badlala ngamathuba.
Kuma Semi-Finals i-Sundowns izogadulisana ne Stellenbosch kanti Ezaka
Magebhula i-Orlando Pirates izobhekana neCapetown City, lama semi-finals azoba nemilenze emibili azodlalelwa ekhaya nasekuhambeni , abantu abaningi bafuna iSundowns nePirates kuma Finals e-MTN
