Umqhudelwano obuseThekwini ubusekelwe uMnyango wezeMidlalo, ezobuCiko namaSiko KwaZulu-Natal, ubunezimpi ezingu-6 ubuhlelwe yiMvelo Boxing Promotions.
Impi emnandi kaKhumalo ebhekene noFaustin Bukaza waseDR Congo kube yimpi ephambili. UKhumalo umise abaseCongo ngomngqimuzo womlalisa phansi ngomzuliswano wesine we-10, waba ngumpetha omusha we-ABU Middleweight.
Ezigabeni zokuqala bekubonakala sengathi abaseCongo bazoqeda ngowaseNingizimu Afrika. Enye i-TKO iqhamuke ngomshayisibhakela waKwaXimba uMinelisi Ndlovu ehlula u-Arnel Lubisi kwese-ABU Bantam Weight Title ebesingenamuntu. Umshayi sibhakela obekungukuphela kwakhe wesifazane oqale ukudlala ku-Bantamweight u-Asanda Mkhwanazi uqophe umlando egameni lakhe ngokunqoba kwakhe okokuqala nge-TKO ehlula uNothando Ncube obelwela okwesithathu.
