OWAMI THABETHE
Emzamweni wawo wokunciphisa izinselelo zamanzi eziqhubekayo, uMasipala weTheku usukhiphe umyalelo wokuthi kusetshenziswe amaloli angu-100 ukuthutha amanzi athengiwe.
Lokhu kuvezwe nguMnuz Mdu Nkosi ongusihlalo omusha wekomiti le-Trading Services portfolio kuMasipala weTheku. Ikomiti elisha, lapho amanzi, ukuthuthwa kwendle kanye nogesi kwehle khona, liqhamuke ngenxa yokuhlukanisa uphiko lwezokuHlaliswa kwaBantu kanye neNgqalasizinda kabili.
Ekhuluma nephephandaba iDaily News, njengengxenye yesu lakhe lokususa iTheku enkingeni yamanzi eqhubekayo, uNkosi uthe uMkhandlu usuthenge amanye amathangi ayi-100 ukuze asize empini yokulwa nenkinga yamanzi.
Uthe okwamanje iTheku linamathangi angu-160 encwadini yalo, kanye nangama-230 okungewabantu. Ngokungeziwe emathangini amasha ayi-100 iTheku lizoba nemikhumbi engu-260. UNkosi uqhube wathi ukuthenga amathangi yinto yesikhashana futhi inhloso yakhe enkulu kwakuwukulungisa ingqalasizinda yamanzi nokuqeda ukunqamuka kwamanzi ngaleyo ndlela aqinisekise ukuthi izakhamuzi zithola amanzi kompompi bazo.
Uthe amanye amathangi ngeke agcine ngokusiza ekwehliseni izinselelo zamanzi kuphela, kodwa azophinde anciphise nezindleko ezisetshenziswa umkhandlu weTheku ukuqasha amathangi azimele. Ngonyaka odlule, bathenga amathangi amanzi amasha angama-55.
Ukuqinisekisa izakhamizi ukuthi iTheku lizimisele ngokuyilungisa unomphela inkinga yamanzi, uNkosi uthe ikomidi lakhe selibamba imihlangano yenkinga yamanzi njalo ngoLwesihlanu ukuze kubhekwane nezingqinamba zamanzi, wathi iMeya uCyril Xaba nayo ihlala ikhona emhlanganweni.
Uthe umhlangano uthole imibiko yenqubekela phambili mayelana nezinselelo ezintsha zamanzi. Ibe isiqhamuka namasu okubhekana nezinkinga.
