SBU MAMBA
Izinkunzi ze Betway Premiership zizidlele amahlanga emidlalweni
yokuhlungela imidlalo yamaqoqo e-CAF CHAMPIONS LEAGUE.
EzikaMagebhula ezagebhula umhlaba kaMasipala zibhudluze abafana base Botswana ngamagoli amathathu eqandeni 3-0 uma kuhlanganiswa imiphumela yemilenze yomibili. Emlenzeni wokuqala obuse Botswana e-Obed Itani Chilume Stadium ngesonto elidlule amabhakabhaka anqoba ngo 2-0 ngamagoli ka Deon Hotto no Tshegofatso Mabasa kanti emlenzeni wesibili obuse Orlando Stadium ezimnyama ziphinde zanqoba ngo 1-0 zangena kanjalo kuma Group Stages
IKaboyellow Amasandawana iMamelodi Sundows italabhe izinsizwa
zaseSwatini “UMkhonto kaShaka inqolebomvu kaMasizila yize bekhala yize belila ayenza amanzi kukhona ozonethwa’ iMbabane Swallows ngamagoli asishiyagalombili 8-0 uma kuhlanganiswa imiphumela yemilenze yomibili , ngesonto elidlule iSundowns ibhaxabule iSwallows ngo 4-0 emdlalweni obuse Lucas Moripe Stadium , zolo lokhu ezika Motsepe ziphinde zagadla
ku Swallows ngawo futhi u 4-0 ngamagoli ka Mkhulise , Kodisang ,Lorch no Khoza yangena kanjalo kuma Group Stages
Elakuleli lizomelwa amaqembu amabili ku CAF Champions League
,iMamelodi Sundowns ne Orlando Pirates bese ku CAF Confederations kube iStellenbosch .Amaqembu asewonke azibekele indawo kuma Group Stages e CAF Champions League , sizoqala nge Mamelodi Sundowns ne Orlando Pirates (South Africa), Raja Atletic Club ne AS Far ( Morocco) , Ma Alger ( Algeria) , Djoliba (Mali) Maniema Union (Dr Congo) Stade d’Abidjan (Ivory Coast) , Young Africans (Tanzania) , Pyramids ( Egypt) , TP Mazembe
(DR Congo) , Sagrada Esperanza ( Angola) , CR Belouizdad, ( Algeria) , Al Hilal (South Sudan