SBU MAMBA
Abahlaziyi nabalandeli be Kaizer Chiefs bathi Amakhosi arojiwe emdlalweni weligi obubhekwe ngamehlo abomvu obuphakathi kweChiefs ne Mamelodi Sundowns, abafana bokuthula noxolo behlulwe iSundowns ngo 2-1 eFNB Stadium eGoli ngoMgqibelo ntambama , i-Chiefs igadle kuqala ngegoli lika Ranga Chivaviro , Amasandawana alinganisa ngegoli lika Ribiero Costa odabuka eBrazil kanti elokuwina leSundowns libekwe enethini uIqraam Rayners .
Inkundla ibigcwele phama abalandeli abaningi begqoke u Gold no black ( Kaizer Cheifs) , iChiefs ibiwuphethe umdlalo ngesiwombe sokuqala futhi nangesiwombe sesibili iyona ethole amathuba amahle okushaya amagoli yadlala ngawo. IMpofana ibilokhu ikhombisa ukuba yingozi uma iya phambili kusize unozinti weSundowns neBafana Bafana uRonwen Williams.
Kodwa into ecasule abalandeli be-Chiefs izinqumo zika nompempe uMnu Sikhumbuzo Gasa ebezivuna iSundowns , abalandeli beChiefs abathokozanga ngezinqumo zika nondweba nabasizi bakhe ebezicindezela iChiefs, igoli lesibili le-Sundowns abalandeli beChiefs bathi bekuyi off-side , uCastillo ushaye igoli leChiefs lokulinganisa sekuyophela isiwombe sesibili waliphika uGasa nomsizi wakhe , abalandeli bempofana bathukuthele bagana unwabu bashaya umsizi kanompempe ngamabhodlela.
UJunior Khanye ongumhlaziyi webhola ku Diski Tv uthi i-Chiefs irojiwe kulomdlalo wabo neSundowns , no Bennedict “Tso” Vilakazi ushonjalo ukhale ngonondweba uthi Amakhosi “abanjwe inkuzi” kulomdlalo bekufanele uphele ngo 2-2 , uthe onompempe base Ningizimu Africa kufanele banyuse amasokisi nabalandeli beChiefs bashiye abangalazi ezinkundleli zokuxhumana . UNgqongqoshe wezemidlalo uGayten Mckenzie uthe uzoba nomhlangano neSAFA bazoliyilunisa lento, uthe ukuze kugwemeke lamaphutha onompempe nabasizi bakhe ebholeni lase Ningizimu Africa kuzomele kusentsheziswe iVAR.
