Injabulo iBafana Bafana izibekela indawo ku AFCON 2025

SBU MAMBA

Iqembu lesizwe iBafana Bafana lijabulise abalandeli lizibekela indawo emqhudelwaneni omkhulu wase Afrikha  i-Africa Cup Of Nations (AFCON) ezosingathwa iMorocco ngonyaka ozayo. IBafana  idlale kahle kulomqhudlwano ngonyaka odlule e-Ivory Coast  ikhishwa iNigeria kuma Semi-Finals sekukhahlelwa amaphenathi  , iNingizimu Africa ihleli esicongweni ku Group K ilandelwa i-UGanda ,eMorroco kuzoya i-Bafana ne Uganda i-South Sudan ne Congo abayindawo bazosala bencela izithupha.

IBafana ilolongwa inkunzi yomqeqeshi uHugo Broos insizwa edabuka eBelgium enomlando omuhle ku AFCON , uBroos wake wasidla lesicoco se AFCON ngo 2017 eqeqesha i-Cameroon , iBafana yaba nenhlanhla yathola umqeqeshi osemnkantshubomvu ebholeni lase Africa onamava nobuchule . UBroos ubophela kakhulu abadlali abagjima ku Mamelodi Sundowns ne Orlando Pirates ngoba banesipliyoni sokudlala  kuCaf Champions League nakuCaf Confederations Cup , iPirates ne Sundowns bake basinqoba isicoco se Champions League , iPirates yasidla ngo 1995 kanti iSundowns yasidla ngo 2016. Kubadlali be Sundowns abagjima eqenjini lesizwe singabala uNozinti uRonwen Willliams , izitobha uKhuliso Mudau , Grant Kekana , Aubrey Modiba , Mothobi Mvala , Thapelo Morena , esiswini kube uTeboho Mokwena, Iqraam Rayners no Bathusi Aubass kanti kubagadli u Themba Zwane no Thapelo Maseko , kumaMabhakabhaka kukhona uNozinti uSipho Chaine , isitobha uNkosinathi Sibisi , Patrick Maswanganyi , Thalente Mbatha Evidence Makgopa no Relebohile Mofokeng ,

Amasandawana nezakaMagebhula yibona  abanabadlali abaningi esikwatini , kulandele iStellenbosch FC , sishaya ngoNozinti osefomini uStage Stephens nesitobha eFawaaz Basadien , uNyiko Mobbie udlala ku Sekhukhune United , uOswin Apollis ngumgadli wePolokwane City , kanti uSiyabonga Ngezana no Luke Le Roux badlala phesheya,

Yizona izinkuzi azobegadla ngazo uHugo Broos ku AFCON  eMorroco nonyaka ozayo.

UBroos ubeke ithemba lakhe kubafana abancane , akawabizi amakhehla esikwatini sakhe , lezinsizwa eziya eMorroco uBroos uzophinde agadle ngazo ngonyaka ozayo ku World Cup , indebe yomhlaba izobanjelwa eMexico , Canada neUnited States.

Leave a Reply

Your email address will not be published. Required fields are marked *