OWAMI THABETHE
UMasipala weTheku uzoba nobudlelwano beminyaka emithathu neThala Development Finance Cooperation (IDFC) ukuze iTheku liqale ukungenelela kokuthuthukiswa kwama-SMME.
Phambilini uMasipala kanye ne-IDFC bake benza imemorandamu yezivumelwano (MOA) ukuze baqale amaphrojekthi ahlukahlukene. Ngokufanayo, manje kuyinhloso efanayo yamaqembu ukubambisana ukuze kwesekwe ama-SMME ngezinsizakalo zokweseka ngokwezimali nezingezona ezemali kanye nokuqhubeka nobudlelwano besikhathi eside phakathi kwezinhlangano.
Kokubili iDolobha neThala kulindeleke ukuthi bahlinzeke ngo-R20 million unyaka ngamunye ezinhlelweni zokuthuthukisa ama-SMME.
Lolu hlelo luhlose ukuhlinzeka ngoxhaso oluyimpumelelo kuma-SMMEs ukuze kuqinisekiswe ukuthi osomabhizinisi bayaqhudelana ezimakethe futhi babambe iqhaza ngendlela eyakhayo emnothweni ojwayelekile.
Inhloso ye-MOA ezosayinwa, wukusungula ubudlelwano bokusebenzisana phakathi kwe-IDFC noMasipala okuzobeka izindlela zokuqalisa nokuqapha izindawo zokusebenzisana ukuze kuthuthukiswe ama-SMME.
Lemali ezotshalwa iyona ezobe ilawula uxhaso lokuhlinzeka ama-SMME ngezinsiza zokweseka ngokwezimali nezingezona ezezimali, ama-SMME azofaka isicelo ngqo ebhange Ithala. Lolu hlelo futhi luhlose ukuhlanganisa amabhizinisi abesifazane nentsha ezindaweni zasemakhaya nasemalokishini ezinhlelweni zokuthuthukisa ama-SMME.
