WONDER NGCOBO
UMlazi Megacity ubenomcimbi wokuklomelisa abafundi ababaqwaqwade bonke emakhanda ezikoleni zabo eMlazi namaphethelo, Lomcimbi ubungenyanga kaMasingana onyakeni ka2025. UMlazi Mega city umemezela lomcimbi obe ngowesibili kulonyaka ekuzibophezeleni kwayo ekufukuleni nasekugqugquzeleni intsha yasemphakathini ewakhele ukuze izofezekisa amaphupho ayo. kulonyaka umklomelo we khulu lezigidi zamarandi (100 000) obekelwe abafundi abagile izimanga abavela ezikoleni eziyishumi ezakhele uMlazi.
Okhulumela uMlazi Mega City u Thembalihle Ngcobo oyi Marketing Manager, uthe kuyintokozo enkulu kubo ukubamba lomcimbi omkhulukazi ongowesibili kulonyaka (2nd Annual Matric Top Achievers Awards njengengxenye yomkhankaso Ikusasa Lakho campaign. Uthe bakhethe ngobuchule izikole zamabanga aphakeme eMlazi ezibhekene nengwadla yokweswela izinsiza-kusebenza okwenza zehluleke ukuthola u 100% matric pass rate. Phakathi kwezikole sibala i kwaMgaga High, Umlazi High, Lamontville High, Vukuzakhe High, Enaleni Secondary, Swelihle Secondary, Zwelethu Secondary, Ekwazini Secondary, Makhumbuza High kanye ne Mbizweni High, uthi ngaloluhlelo baqonde ukulekelela abafundi bafinyelele esicongweni ngokubeseka babakhombise ukuthi kungakanani okubafanele empilweni ngokutshala ekusaseni labo baphinde babasize bafinyelele lapho befisa khona ngempumelelo. Lomcimbi ubekhona eMega city ngoMasingana kulandela ukuphuma kwemiphumela kamatikuletsheni lapho abaphumelele bezohlonishwa esidlangalaleni kubuka umhlaba wonke nalapho kuzobe kunenqwaba yezipho okuyokube kuhlanganisa ndawonye abafundi, othisha, abaholi bomphakathi kanye nabezindaba abavela emithonjeni eyehlukahlukene ukuzobungaza amandla emfundo nekusasa eliqhakazile.
Kuzokhumbuleka ukuthi ngonyaka owedlule ubukhona okokuqala lomcimbi njengoba ubunezikole ezinhlanu kuphela njengoba manje seziyishumi lokho okukhombisa ukukhula unyaka nonyaka kanti nezikhungo zemfundo ephakeme zizokube ziyingxenye yalomcimbi wakulonyaka. kuphetha uNgcobo.
