UMlamuli Mavundla ohlala eThekwini usezakhele egama elihle kwabaningi ngokusungula i-App ebizwa ngeKasiFlavor App, le-App igxile kakhulu ekulekeleleni osomabhizini basemalokishini abasafufusa abadayisa ukudla ukuthi benze imali eningi kunaleyo abajwayele ukuyenza, kanti ayigcini nje ngalokho kuphela kodwa iphinde ivulelele intsha namathuba emisebenzi.
ISibaya Community Trust ibuyise ithemba njengoba ifake imali engaphezu kuka-R4 million esikhungweni somphakathi eBayview.
UMasipala weTheku umemezele ukuthi uzotshala Metro Police emalokishini ukuze asebenzisane neCommunity Policing Forum (CPFs) kanye neSAPS ekulweni nobugebengu.
I-Adopt-a-School ibonga umlingani onikelayo i-Sasria inikeze isikole iHlahlindlela Secondary School KwaNgcolosi, eHillcrest indlu yangasese ebidingeka,okuwukuthuthukiswa kwengqalasizinda izoshitsha nezimpilo zabantu abangu-1291.
Maduze uhulumeni uzotshala amaphoyisa omgwaqo amasha angu-250 kuzwelonke emigwaqeni ukwandisa isibalo njengoba umsebenzi wokulwa nokuhlonishwa kwemithetho yomgwaqo uqhubeka.
IBET Software ihalalisele abafundi abaphume phambili kumatikuletsheni NgoMgqibelo mhlaka 28 kuJaniwari 2023, ihlanganyele kanye nesikole iVelabahleke High School bebehalalisela abafundi abathole imiphumela eseqophelweni eliphezulu kuMatric. Kuphindile futhi ukuthi lesisikole sithole i-100% pass rate, bangu-396 uma sekuhlangene.abafundi abaphase ngamalengiso.
Izikhulu zoMnyango wabeSifazane, Intsha kanye Nabantu Abaphila Nokukhubazeka (DWYPD) zibambe iqhaza emhlanganweni wokucobelelana ngolwazi wezinsuku ezintathu okuhloswe ngawo ukuthuthukisa izinga lokulethwa kwezidingo kubantu abakhubazekile. Umhlangano wokucobelelana ngolwazi osanda kubanjwa ubuxhaswe yi-United Nations Population Fund (UNFPA) -eyokulingana, ukubandakanywa kwabakhubazekile ,imithetho , ukuhlela nokwabiwa kwezimali, ukuqapha nokuhlola ngezinye zezinto okukhulunywe ngazo.
IMeya yeTheku ihlele ukuxazulula izinkinga zamanzi esibhedlela saseMlazi iPrince Mshiyeni Memorial ekuqaleni kwenyanga kaFebhuwari. UKaunda uhambele lesibhedlela ukuyoxoxisana nabaphathi ngezinkinga zamanzi ezidalwe ukuqhuma kwepayipi eMlazi.
Umasipala weTheku uthi ukanye nabahlali kulesikhathi sokucima kukagesi esesiqala ukuba nomthelela ongemuhle emphakathini nasemabhizinisini.
UMasipala wetheku usalokhu uqhubekile nomkhankaso wokuhlanza nangonyaka ka-2023.lokhu kuvele ekhasini likamasipala likafacebook bathe, iMeya uMxolisi Kaunda yethule umkhankaso othi MOTHER OF ALL CLEAN UPS, okuwumkhankaso obubanzi kakhulu. lomkhankaso ohlanganise izindawo eziwu-13 esingabala lezi ezilandelayo, iCBD, City Hall, ICC, Albert Park, Warwick, Moses Mabhida Stadium, Point, South beach, North beach, uMgeni. , Musgrave, Greyville ne Dalton Hostel.
