SAMKELISIWE MBONAMBI
Uhanjelwe izinkulungane zezibukeli umqhudelwano webhola lezinyawo labantu befisazane abaneminyaka engu-50 kuya phezulu okungowokuqala ngqa okade ubanjelwe eLimpopo eTzaneen kulomqhudelwano bekuqhathwe amaqembu angu-16 aphuma emazweni ehlukene angu-7 amaqembu akuleli azobamba iqhaza mase kuthi amanye aphuma emazweni afana noFrance Mozambique, Zimbambwe, America, Zambia ukubala ambalwa.
Abaningi bakuthakasele ukuba ingxenye yalo mdlalo, ekhuluma nabezindaba uJean Duffy wase-Melika uthe: “Ngineminyaka engu-20 ngidlala ibhola lezinyawo lemidlalo kungenye yezindlela ezimnandi zokujima ngoba uyakhohlwa nokuthi uyajima ngoba usuke uzwa ubumnandi, kumina lomncintiswano ubalulekile ngoba uhlanganisa bonke abantu besifazane abathanda ibhola” kuchaza uJean.
Ezikhulumela ngowakhe umsunguli waloluhlelo uBeka Ntsanwisi uthe ukuthi umqhudelwano ube mkhulu kanje ubengakulindele njengoba kungowokuqala ngqa emhlabeni jikelele
“Sinamaqembu angu-16 yize besilindele angu-21 kulomqhudelwano kodwa amanye awakwazanga ukuphumelela ngesimo semali okungamaqembu aseMalawi, Tokyo, ngingakujabulela ukuthi ngiqhubeke ngithole uxhaso lokuthi ngenze omunye umqhudelwano ofana nalo ngoba ngiyabona abantu abaningi bawuthakasele,” kuchaza uBeka Ntsanwisi.
