THAMI SHESHANE
Izinsizwa KwaZulu-Natal ezingaconsi phansi kubaculi base Ningizimu u BIG Zulu no Sjava abazibiza nge “Inkabi Zezwe” baphakele izindlebe iziboliboco ezintsha ntsha nge Album yabo ethi “Ukhamba”.
Le Album iphekwe ngamanoni amaningi impela, kanti uma ulalela isigqi sezingoma ezifana nethi “Uthando Lunye”, “Impumelelo”, nethi “Emaphusheni” zikhuphuka ngoshuni ka Sjava kanti bese kuthi i “intro” enezinhlamvu ezithi “Inkabi Zezwe, umahlal’ ehlomile engasiboni isibhamu… Thina siyinto Zezwe umashay’ amatshitshi kukhal’ amabhungu” ingakushiya usuhlabe ‘one’ noma ‘two’, ikhuphuka ngo Shuni ka Big Zulu.
Ingoma engacishe idlisele ezinye nganxanye ngethi “Khaya Lami”. Lezinsizwa ziwisa lelibhomu le Album nje sisavika uMbayimbayi ngapha nangapha eMzansi. Halala Zinkabi. Uthando Lunye.
USjava no Big Zulu bayilento engaphezulu ekhekheni.
