THAMI SHESHANE
I Bafana Bafana izibekele indawo idlula kwi ESwatini kanzima emdlalweni wokugcina ka Group A, kweye COSAFA 2023 ngolwesibili ntambama e Princess Magogo Stadium.
Ngemuva kokudlala ngokulingana ngo 1-1 neNamibia nokunqoba ngo 2-1 kuBotswana, iqembu leSizwe bese lilwela ukunqoba kuphela emdlalweni walo ne-Eswatini ngakolunye uhlangothi, i-Eswatini ingene kulo mdlalo ilingana neBotswana nayo ebisaqoqe amaphuzu amathathu kuphela kulomqhudelwano.
UBongwa Matsebula we ESwatini uvulele imibhiyozo yeqembu elivakashile ehambisa izivakashi phambili kusanda kubuywa ekhefini eshiya abalandeli beningizimu Africa bebambe ongezansi.
Umqeqeshi weBafana Bafana wenze ushintsho kanti omunye wabebesebhentshini u Tshegofatso Mabasa ushaye elokulinganisa. I Bafana Bafana ingene ngokuphelele esicongweni se Group ngemuva koikuthi u Mabasa ephinde washaya elinye igoli elishaye isipikili sokugcina banqoba ngo 2-1.
I Bafana Bafana isizobhekana ne Zambia kowandulela owamanqamu mhlaka 14 ku Julayi e King Zwelithini e Mlazi ngo 18H00 kanti amathikithi azotholakala enkundleni mahhala.
Komunye owandulela amanqamu, ngumdlalo we Malawi ne Lesotho ozodlala kuyo lenkundla ngehora lesithathu.
I BAFANA BAFANA KOWENDULELA OWAMANQAMU E COSAFA CUP 2023
