NKOSIE NTOMBELA
IGobume High School ibhekene nengwadla yokulwa kwezingane okuyinto ezophazamisa ukufunda nokubhala kwabafundi.
Ngokomthombo othembekile opotshozele abe KZN Namuhla Newspaper uthe lempi iphakathi kwamantombazane abanga amasoka futhi lapho isigcine ingenelelwa nayingxenye engabona abafundi.
Intatheli ye KZN Namuhla ibe isixhumana nokhulumela abomnyango wezemfundo uMuzi Mahlambi othe “siwumnyango kuyasethusa lokho okwenzeka eGobume sizolisukumela loludaba sixhume bonke abasezinhlakeni zokuphatha ukuze silunge isimo njengoba kuzobhalwa izivivinyo ezandulela kokuphela konyaka asifisi ukubona kuphazamiseka abafundi ngezinto ezingalawuleka zixazululwe ngokushesha” kuphetha uMuzi Mahlambi.
Nabe National Association of School Governing Body nabo bathe bazothumela ithimba elizobe liholwa uLungani Makhathini ukuze bangenelele kulesikole njengoba nangonyaka odlule kwabakhona izigigaba zokuphazamiseka kwabafundi kulesikole kuyimpi yabafundi besilisa okuyinto engadingakali kumagceke esikole.
