IMeya yeTheku ukhansela uMxolisi Kaunda wethule damu iMona Reservoir esanda kuphothulwa ukwakhiwa, nedle isamba sika R43 million. Lelidamu lizosiza kakhulu ukwandisa umthamo wokuphakelwa kwamanzi endaweni yas’oThangathi kanye nasezindaweni ezakhelene nayo okubalwa Ward 6, kanye naku Ward 62.
Lelidamu likwazi ukumumatha amanzi angu 5 megalitres. Kuwo lomcimbi wokwethulwa kwalelidamu iMeya uKaunda uphinde wethula ngokusemthethweni usonkontileka ozokwakha iMotala Farm Project, okuwumsebenzi okuzokwakhiwa kuwo izindlu ezibalelwa ku 2,200. Okwamanje uMasipala weTheku umatasa ulungisa ukwakha izingqalasizinda ezihlanganisa umzila webhasi ozodla R63 million.
