SBU MAMBA
Umqeqeshi we Bafana Bafana uHugo Broos uncome abadlali bakhe ngokudlala ibhola elihle emdlalweni wabo neNigeria obuse Godswill Akpabio Stadium ngeSonto elidlule. Umdlalo uphele ngegoli elilodwa ngapha negoli elilodwa ngale , igoli le Ningizimu Africa lishaywe uThemba Zwane ngesiwombe sokuqala kanti le Nigeria libekwe enethini u Fisayo Dele Bashiru.
UBroos uthi kubongwa okuncane kubongwe okukhulu , uncome unozinti uWilliams nodonga lwasemuva oluholwa uMvala noNgezana ngokuvimba amafolosi ase Nigeria ashesha kakhulu uma ezongena ebhokisini , uthi bayingozi labafana base Nigeria , uthi leliqembu lase Nigeria linabagadli abayingozi abangalibheki ipali futhi abadlala kumaligi ahlonishwayo, afana no English Premiership , Turkey no Serie A kanti iningi labadlali beBafana badlala ekhaya ingakho ejabule ngalomphumela.
Kubadlali base Nigeria abadlala phesheya kwezilwandle singabala unyazi lomgadli u Ademola Lookman ogijima ku Atalanta , Alex Iwobi odlalela i Fulham yase England , Samuel Chukwezwe ogijima ku AC Milan e Italy , Kelechi Iheanacho umgadli we Leicester City no Wilferd Ndindi naye osiyistobha se City , ngokwe khwalithi iNigeria ingaphezulu kakhulu kuneBafana , ingakho abantu abaningi bebecabanga ukuthi iNigeria izozidlela
amahlanga kuBafana zathi ezika Broos kuphi khona zathi lutho eLuthela .
IBafana ihleli endaweni yesine ku Group C ngamaphuzu amane kanti iLesotho iwu namba 1 , iRwanda ne Bernin nabo nabo banamphuzu amane , onke lamathimu alwela kukhwalifayela indebe yeWorld Cup 2026 kodwa kubukeka sengathi kuzokhwalifaya iBafana Bafana ne Nigeria ngoba yizona izikhondlakhondla ebholeni lase Arica
