SBU MAMBA
Iqembu elisha ku Betway Premiership elithuse abaningi likhipha izinkuzi zase Soweto i-Orlando Pirates ku Carling Label iMagesi FC ngenyanga edlule liphinde laqopha umlando ligadla ku TS Galaxy ngo 1-0 lazibekela indawo kuma Semi Finals eCarling Black Label, igoli leMagesi FC lishaywe u Lehlogonolo Mokone ngomzuzu ka-44 esiwombeni sokuqala. IMagesi izobhekana ne Richards Bay F.C kuma Semi Finals eCarling Black Label kanti iMamelodi Sundowns izogadulisana neMarumo Gallants.
IMagesi Football FC iqembu lase Limpopo elisungulwe ngo 2011, libe ngompetha beMotsepe Foundation Championship ngonyaka odlule lanyukela esigabeni seBetway Premiership kulesizini , alikaqedi ngisho izinyanga ezintathu ku Betaway kodwa lisenyamana mbana kumakilabhu amakhulu afana no Pirates , TS Galaxy ne Golden Arrows ngokubagugisa ngompentshisi. Okunye iMagesi ibe nenhlanhla yathola inkunzi emidwayidwa yomqeqeshi uClinton Larson, lensizwa eyazalelwa eThekwini, KwaZulu Natali inomlando omuhle ebholeni lase Ningizimu Afrikha , uLarson ungumqeqeshi osemnkantshubomvu ophethe isipiloyini ,ulidlalile ibhola ngo 1991 -1992 egijima ku Crusaders United, wagijima ku Manning Rangers ngonyaka ka 1992 kuya ku 1999, kanti ngo 1999 kuya 2001 wayegjima ku Orlando Pirates . Nasekuqeqesheni unomlando omuhle wokulolonga amaqembu amaningi ku PSL , singabala o Bloemfontein Celtic , Roses United , Golden Arrows , Chippa United , Polokwane City neSummerfield Dynamos.
ULarson ugadla ngezinsizwa ezisencane kumafolosi bese eshaya nezitobha ezinesipiliyoni, emapalini ubophela uChipezeze uKaputeni, kube uMashigo , J Mokone , L Mokone , Mzava , Darpoh , Abrahams , Mekoa , Makhubu , Kakora noChirambadare. Kanti kweminye imiphumela iMamelodi Sundowns ibhudluze abafana bokuthula noxolo ngo 4-0 , Marumo Gallants 1 Stellenbosch 0 , iRichards Bay ishaye i-Capetown City ngo 5-4 sekukhahlelwa amaphenathi.
