OWAMI THABETHE
Ngempelasonto yangomhlaka 16 Novemba 2024, iphephandaba I KZN Namuhla Newspaper lihambele umcimbi wonobuhle abamodelayo I South Africa Clash of the Provinces 2024 eThekwini Bat Centre. Lomcimbi omuhle kangaka ubuhlelwe uNksz Christina Maloka ongomunye wonobuhle abasemkatshu-bovu kulendima, aphinde abe ngumsunguli we SACOP.
South Africa Clash of the Provinces (SA COP) ihlose ukuthuthukisa abesifazane abasebasha ngokubungaza ukuhlukahluka okunempilo kwezwe lethu. Kulo nyaka wokuqala iqalile I SACOP kungenele izifundazwe ezintathu zilwela isicoco esihlonishwayo sika Queen of SACOP okokuqala ngqa. Umcimbi ubusingathwe onobuhle abaphuma eGauteng, Free states kanye ne KwaZulu-Natali.
Intombazanyana esencane engomunye wonobuhle obebambe iqhaza kulomcintiswano odabuka eGoli u Tsego Fatso ubonge abemesekile kusukela ekuqaleni kuze kufike usuku. “Lolu hambo beluyisimangaliso, futhi ngiyaziqhenya ukumela isifundazwe sami ngentshiseko nokuzinikela. Kubo bonke abangesekile ngiyabonga ngokukholelwa kimi.”
UTsego Fatso ungomunye owine izihlandla eziningana kulomcintiswano,uthe imincintiswano efana nalena ikhulisa kakhulu ukuzethemba kuyena kanye nokuzigqaja njengomuntu wesifazane osemncane, uyafisa naye ngelinye ilanga ukukhuthaza abaseza ngemuva kwakhe.I Gauteng isona siFundazwe esihambe phambili ngonobuhle abawine kakhulu kube lapho ibe nabamodeli abaningi abathole imiklomelo ephambili. UTheeiconic Khanyile wase Gauteng uphume indawo yesibili ku SACOP Teen Princess, u Samsad Matsenjwa naye wase Gauteng othole isicoco sokuba I Ambassador ku SACOP kwase u Tsego Fatso kwawuyena othola isicoco sika SACOP Teen Queen.
ULwandisiwe Ntuli ophuma esiFundazweni saKwaZulu-Natali kube nguyena ohlonishwe ngokuwina isicoco sokuba ngu SACOP Queen wokuqala ngqa.
“Lolu hambo beluyinto emangalisayo, Ngithanda ukubonga umsunguli uChristina Nyaile Maloka ngokuvula lesi sigcawu lapho izifundazwe zishiyelana khona isiteji nokufunda ukuhlukahluka kwamasiko.
Emndenini wami omangalisayo, nawo wonke umuntu ongeseke kulo lonke uhambo, ngiyabonga.” kubonga ku Lwandisiwe.
