EZEMIDLALO

Ngesonto eledlule ngolwesine amenyezelwe bukhona amaqembu azoba ingxenye yomqhudelwano wenedbank cup loluhlelo belubanjelwe enedbank head office estandton kanti belusakazwa bukhoma kuchannel 202 kumabonakude, njengokwejwayelikile kumenyezelwe amaqembu angu-32 azotholana phezulu okuhlanganisa amaqembu angu-16 adlala kwi dstv premiership league kube ayi-8 adlala kwi motsepe foundation championship bese kuphinda kuba amanye ayi-8 adlala kwi safa division.

Unyelwe inyoni esandleni unompempe wakuleli laseningizimu afrika u-akhona makalima njengoba ethole ithuba eliyimvela kancane lokuyophatha umdlalo kwindebe yomhlaba yefifa yabesifazane.

Iqembu lebhola lezinyawo iCrystal Rangers Youth Football Academy ezinze eMgungundlovu selikhiphe isimemezelo sokuthi lizimisele ukuthatha abahlali abasha abazoba yingxenye yaleliqembu njengoba kuqala unyaka ka2023.

Ukuqokwa kukaMammila njengoMqeqeshi weqembu leChippa United esuka ekubeni uMqondisi kwathusa abaningi njengoba ebene layisense yeCaf D kuphela, kodwa yena ukugxekwa akumethusanga njengoba ayesefunde lukhulu kwisilomo seKaizer Cheifs uDoctor Khumalo.

Ithimba laseThekwini lenze iDolobha laziqhenya ngokuphuma phambili kwi-SALGA-KZN DSAC Games ka-2022 ebibanjelwe esiFundeni saseMajuba eNewcastle muva nje. Iqembu laseThekwini lihlomule ngezindondo zegolide ezingu-52, zesiliva ezingu-45, nezingu-34 zethusi emidlalweni eyahlukene.

Uhlelo lwe-SALGA-KZNDSAC Games luqale ukuze kubhekwane nokukhathazeka okukhulu mayelana nentsha engazibandakanyi nokuzivocavoca, kanti le midlalo iphinde ihlonishwe ngokuveza amakhono ezindaweni ezehlukene kubo bonke oMasipala beziFunda esiFundazweni.

UMqeqeshi weMamelodi Sundowns, uRulani Mokwena, uchaze uhambo lwabo lwaseQatar njengolube  yimpumelelo  njengoba bebuye sebehlome kakhudlwana.UMokwena, Manqoba Mngqithi, Steve Komphela kanye nabanye abasebenzi bezobuchwepheshe, bajabulele imidlalo esezingeni eliphezulu ngesikhathi seNdebe Yomhlaba yeFifa eqhubekayo eQatar.

UMnyango wezeMidlalo, ubuCiko namaSiko KwaZulu-Natal kanye neLa Liga babambe uhlelo lwezingxoxo zeLa Liga kusukela mhla ziyi 16-17 November 2022 eMoses Mabhida Stadium, eThekwini. Izingxoxo zeLa Liga bezigxile kakhulu ezingxoxweni ezikhuthazayo nezingane ezihlonzwe ezikoleni ezahlukene KwaZulu-Natali.

UMaketa, ongumqeqeshi weSouth Africa neNational Academy Lead, uzophatha iqembu le-Test kusukela ngoDisemba kuze kube sekuqaleni kukaJanuwari njengoba lilungiselela ukubhekana ne-Australia kwi-ICC World Test Championship (WTC).

I-Orlando Pirates ihlawuliswe u-R100 000 ngenxa yabalandeli bayo abagcwala inkundla ngemuva kokunqoba ngo 3-0 kowandulela owamanqamu wesibili weMTN8 lapho yayibhekene neMamelodi Sundowns ePeter Mokaba Stadium ngenyanga edlule.