SAMUKELISIWE MBONAMBI
UNgqongqoshe wezemiSebenzi yoMphakathi kanye neNgqalasizinda, uPatricia de Lille, usegunyaze ukukhishwa komhlaba ongamahektha angu-2.8 kwi-Agent yokuThuthukiswa kweZindlu (HDA) ukuze kuthuthukiswe ukuhlaliswa kwabantu kanye nokwenziwa ngokusemthethweni kwendawo ekhona kuMasipala uMsunduzi KwaZulu-Natal. Lokhu kulandela isicelo se-HDA somhlaba eMnyangweni, okuholele ekutheni uNgqongqoshe asayine ukukhululwa kwalo mhlaba ngokoMthetho weState Land Disposal Act.
I-HDA iyi-Agent kazwelonke ethuthukisa umkhakha womphakathi, ithenga ilungise umhlaba iphinde ilawule ukuthuthukiswa kwentuthuko yezokuhlaliswa kwabantu egameni likahulumeni.
Izingxenye ezithile zomhlaba azinamuntu kanti enye ingxenye inemijondolo.
“Lezi zakhiwo zihlelelwe ukuthuthukiswa kwezindlu kanye nokwenziwa ngokusemthethweni kwemijondolo kanti ziqhelelene ngo-10km kwi e-Pietermaritzburg Central Business District.
“Ukugunyazwa kokukhishwa komhlaba kwenza iBamba likaMqondisi-Jikelele we-DPWI likwazi ukunikeza amandla akhethekile kwi-HDA ukuze i-Agent, ngokubambisana noMasipala waseMsunduzi iqale uhlelo lokuthuthukiswa kokuhlaliswa kwabantu emhlabeni, ” kusho uDe Lille esitatimendeni esithunyelwe kwabezindaba.
U-De Lille uthe ukukhishwa kwakamuva komhlaba e-KZN kuza ngemuva kokukhishwa kwamaphasela omhlaba angu-18 alinganiselwa kumahektha angu-533 yi-DPWI ngonyaka odlule ngenhloso yokuhlalisa imiphakathi, okuhlanganisa naleyo eyasuswa yizikhukhula ngo-2022 esiFundazweni.
