Kuqhubeka kahle kakhulu ukuvotelwa kwamaCiko emncintiswaneni weKZN Namuhla Artisits Awards 2023. Ukuvotelwa kwamaCiko ngendlela yeSMS kusukela ekuqaleni kwenyanga kaJulayi, kanti kuzophothulwa ekupheleni kwenyanga evikini lesibili kuSepthemba, lapho kobe sekuqala uhlelo lokubalwa kwamavoti sekulungiselwa ukubanjwa komcimbi wokuklonyeliswa kwawo amaCiko ngokwezigaba ezahlukene, nokuhlelwe ukuthi kube ngeSonto lomhlaka 24 Septhemba eBat Centre eThekwini..
Kuzokhumbuleka ukuthi leliphephandaba lihlela umcimbi wokubungaza iminyaka engu 25 labakhona libe lihlanganisa kanye nokubungaza inyanga yamaGugu eba njalo ngenyanga ka Septhemba, yabe isiphinda ithatha ithuba lokuhlonipha amaCiko asafufusa kanye nazozonke izinhlangano zomphakathi ezingenzi inzuzo.
Kulonyaka lomncintiswano wokuhlonipha amaCiko ubonakala uhehla ngisho amaCiko angaphandle kwesifundazwe saKwaZulu-Natali njengoba kukhona nalawo avela esifundazweni iGauteng kanye ne Eastern Cape. Kanti kulesifundazwe kuzobe kukhona avela ezifundeni ezifana neIlembe, eThekwini,
“ Ngithanda ukukhuthaza abalandeli ukuthi baqinise ukuvotela amaCiko abo njengoba bewaqokile ukuze bangazisoli mhlazane sekuklonyeliswa lawo ayobe ethole amavoti amaningi.” Kusho uMhleli uNksz. Sheila Mhlongo ophethe ngokuthi uyajabula ukubona isasasa kulabo asebeqalile ukuvota .
