NgoLwesihlanu lomhlaka 04 Agasti kwethulwe umjaho we Boxer Super Run ewu 5KM ozoba ngeSonto lomhlaka 15 Okthoba 2023, khona lapha eThekwini. Lomjaho uxhaswe ngokubambisana abakwaBoxer Superstores, Still water Sports, kanye nabakwaCoca Cola. Kuwon kubhekeke ukuthi kuqhudelane bonke abathandi bomdlalo womgijimo abancane nabadala.
USthembiso Simelane (20) owenza i Clothing Brand ebizwa ngokuthi ISB ISililo Samabhinca Clothing Brand, ufunda umatikuletsheni eLethukuthula High School
USthembiso Caluza(27) odume ngelika Stherence De’Ciqqa.owenza umculo we Afropop, ungumculi aphinde abe umbhali
ngokwemvelaphi yakhe uzalelwe endaweni yase Richmond, ePhatheni uqale umculo kusukela emncane.
Iqembu leZingelosiZezulu, Group Members libonga uMdali elinamalunga amane okungo, Sizeni Ntozakhe, Nokuthula Nyathikazi, Priscilla Hlophe, Nobelungu Tshezi, Lezintokazi sezikhiphe iAlbum enezingoma eziyishumi nambili, Igama leAlbum NKOSI YEZULU.
Ngempelasonto edlule,uMnyango Wezemidlalo, Ezobuciko Namasiko KwaZulu-Natali ubambisene neNdlunkulu usingathe uMkhosi Wesivivane ukugubha abesifazane ababambe iqhaza ekwakhiweni kwesizwe esiphilile. ISilo samaBadla uMisuzulu KaZwelithini ekanye noNdlovukazi uZola Mafu, ubekhona ukubungaza lomkhosi owasungulwa uNdlunkulu osewakhonthama uMantfombi Dlamini-Zulu.
Kuqhubeka kahle kakhulu ukuvotelwa kwamaCiko emncintiswaneni weKZN Namuhla Artisits Awards 2023. Ukuvotelwa kwamaCiko ngendlela yeSMS kusukela ekuqaleni kwenyanga kaJulayi, kanti kuzophothulwa ekupheleni kwenyanga evikini lesibili kuSepthemba, lapho kobe sekuqala uhlelo lokubalwa kwamavoti sekulungiselwa ukubanjwa komcimbi wokuklonyeliswa kwawo amaCiko ngokwezigaba ezahlukene, nokuhlelwe ukuthi kube ngeSonto lomhlaka 24 Septhemba eBat Centre eThekwini..
Ngomhlaka- 15 July 2023 OFakazi BakaJehova bavula ngokusemthethweni amahhovisi amathathu okuhumusha asetshenziselwa ukuthuthukisa lomsebenzi eNingizimu Afrika. OFakazi BakaJehova babiza lezizindawo ngokuthi ama Remote Translation Offices (RTO). Lokhu kwenza ukuthi abahumushi bakwazi ukuhlala lapho uLwimi lwendawo lukhulunywa khona kakhulu. Lezizindawo zise Makhado, eThekwini nase Bronkhorstspruit. Zontathu izinhlelo zokunikezelwa kwalezizindawo ziqhubeke kahle kakhulu njengoba kube nabangu 1000 abafike mathupha kuyilapho abaningi bebexhume ngezobuchwepheshe ukuze babukele loluhlelo.
Injabulo ibibhalwe ebusweni, kumalunga emindeni emithathu ebimukeliswa izindlu zomxhaso ku ward – 20 eThekwini ukhansela Jomo Mbhele uyena odlulisele izindlu.
SHEILA MHLONGO
Abe National Prosecuting Authority (NPA) sebekhiphe isitatimende sokuthi angeke bamshushise uMnu. Fikile Mbalula onguNobhala Jikelele we ANC, ngezinsolo ezimayelana nokuthi yena nomndeni wakhe wathatha iholidi lokuvakashela eDubai.
Lesinqumo seNPA siza emuva kokuthi ngo2019, ihhovisi loMvikeli woMphakathi lakhipha umbiko owawuncoma ukuthi loluphiko lwe NPA kumele luthathele izinyathelo zomthetho uMnu. Fikile Mbalula ngenxa yezinsolo zokuthi inkampani iSedgars Sports yagwazela uMbalula ngesikhathi esenguNgqongqoshe wezeMidlalo, ezobuCiko kanye namaSiko, kuleli ukuthi ahambele eDubai phakathi kuka Disemba 2016 kanye noJanuwari 2017.
Lezizincomo zoMvikeli woMphakathi zaziqonde ukuthi uPhiko lweNPA luphenye ukuthi ingabe imali eyakhokhela izindlelo zohambo lwaseDubai yayivele kanjani nokwaze kwavulwa idokodo lecala esiteshini samaphoyisa eBrooklyn, inombolo yecala.
Emva kophenyo lwenziwe abashushisi ePretoria Specialised Commercial Crime Unit office bebambisene Director of Public Prosecutions (DPP)kuphume isinqumo sokuthi angeke ashushiswe uMbalula ngoba abutholakali ubufakazi obeyamene nezenzo zokwephulwa komthetho. Lesinqumo sikhishwe ngoLwesithathu lomhlaka 2 Agasti. – SAnews.gov.za
Isizwe sakwa Mpumuza ngomhlaka 01 August 2023 ngoLwesibili besiphume ngothi lwaso siyokweseka iNkosi uKhethokuhle Zondi esolwa ngokuvimbela abebeqala ukwakha imizi yabo ezizeni abazisikelwe wu Mnumzane Zwelinjani Magubane obeyinduna eyadilizwa ekubhekeni isigodi sakwa Mpumuza.INkosi itshele abezindaba ukuthi ngo 2020 babeka umthetho wokuthi indawo kungabekwa muntu futhi unalo uhla lomhlangano okwavunyelwana ngawo esigodlweni , yathi kuyayethusa uma isibekwa icala iNduna eyasuswa esikhundleni ngonyaka odlule.
