Abadlali ababambe iqhaza kowama Thekwini Games
Imidlalo ebisingathwe uMkhandlu weTheku iqale ngegiya eliphezulu lapho wonke amaqembu abelwela ukuba ngomakhonya emele amawadi kumaThekwini Games kule mpelasonto yezi 30 September.Le mdlalo isezifundeni ezintathu okuwuDistrict 1, 3 kanye no-4 kanti lezi zifunda zifaka izindawo eziningi okubalwa kuzona uThongathi, iNtuzuma naKwaXimba, ukucaphuna ezimbalwa.
Le midlalo ehlelwe yiKomidi leMisebenzi yoMphakathi neZimo eziPhuthumayo eliholwa nguKhansela Zama Sokhabase ibihanjelwe nguSihlalo weKomidi lezokuThuthukiswa koMnotho nokuHlela uKhansela Thembo Ntuli.
Lesi sigaba sokuncintisana kwamawadi (Inter-Ward) sandulela esamanqamu. Inhloso yale midlalo wukuthuthukisa amakhono kwezemidlalo okubalwa kuyona ibhola lezinyawo, elomphebezo, elomnqakiswano kanye ne-chess.
