SBU MAMBA
IMpofana Abafana bokuthula noxolo iKaizer Chiefs iqinisekise ukuthi isisayine umgadli omusha odabuka ezweni lase Democratic Republic of Congo (DRC) uGlody Makabi Lilepo obedlalela iValenciennes FC yase France , lomgadli ongalibheki ipali uza nesipiliyoni sokudlala ku CAF Champions League neqembu lesizwe I-DRC National Team , amanye amaqembu ake wawadlalela i-Al Hilal yase Saudi Arabia ,AS VITA yase Kinshasa ( Congo) ne Mbabane Swallows yase Swatini.
Umqeqeshi we Kaizer Chiefs uNassredine Nabi wathembisa abalandeli be Chiefs ngonyaka odlule ukuthi uzobathengela abagadli abasha ngewindi likaJanawari ngempela uzigcinile izethembiso zakhe , Amakhosi amemezele ngokusemthethweni ngoMsombuluko womhlaka 27 Janawari ukuthi asethenge abagadli abathathu ,lensizwa yase Congo uMakabi Lilepo , Tashreeq Morris osuka kuSupersport United , uNaledi Hlongwane osuka ku Development nomdlali wasesiswini ogijima kuBafana Bafana uThabo Cele emthenge ku Favel Voronezh yase Russia.
Izikhulu zeChiefs zaqinisa udonga lwasemuva kuphela ngonyaka odlule , bathenga isitobha u-Inacio Miguel ku-Petro De Luanda yase Angola, uRushwin Dortley emthenge ku Capetown Spurs, unozinti wase Rwanda emthenge ku-TS Galaxy uFriacre Ntwari no”Mlungu” uBradley Cross emthenge kubafana besithende i-Lamontville Golden Arrows , yabese idedela uKeagan Dolly , Njabulo Ngcobo , Efamamjisond Gonzalenz , Siyethemba Sithebe ,unozinti u- Itumelang Khune , yabolekisa uDonnay Jansen kuMatsatsantsa i-Supersport United no Sabelo Radebe kuNatal Ricboys iRichards Bay FC.
