Esithombeni: USotswebhu we MK Party uSihle Ngubane
OWAMI THABETHE
Kungakapheli nezinyanga ezimbili efungiswe njengamalungu ePhalamende Likazwelonke elimele Iqembu le-MK, amalungu ePhalamende awu u 18 asexoshiwe kwanqanyulwa ubulungu beqembu.
USotswebhu we-MK Party uSihle Ngubane sebhalele uSomlomo we Phalamende uNkk Thoko Didiza emazisa ngamalungu e MK awu-18 asephelelwe indawo ePhalamende. UNgubane udlulise nohlu lwamagama alabo abazogwalisa izikhala zabaxoshiwe.
Ngokomthethosisekelo umuntu ulahlekelwa ubulungu ePhalamende uma eyeka ukuba yilungu leqembu elimqokile.
Lezi zindaba ziqhamuka ngemuva kwezinsuku iqembu limemezele ukuthi uzoxoshwa okwesibili uNobhala Jikelele walo nangaphandle u-Arthur Zwane ngenxa yezinsolo zokungaziphathi ngendlela kanye nezingxabano zangaphakathi.
Akukacaci ukuthi kungani amalungu ePhalamende ehoxisiwe.
