SIBUSISO MAMBA
Izikhondlakhondla zase KZN uSuthu olumabheshankone Amazulu F.C azoqeqeshwa izinsiwa ezinesipiliyoni ebholeni lakuleli , uMengameli waMazulu uMnumzane u Sandile Zungu wethule ngokusemthethweni u Arthur “10111” Zwane no Vusumuzi “Kanu” Vilakazi njengabaqeqeshi abasha abazosebenza ngokubambisana (Co -Coashes ) ukuqeqesha leliqembu lase Thekwini , uManzini uthe labaqeqeshi abathathe izintambo ku Pablo Franco Martin wase Spain bahlalelwe umsebenzi omkhulu wokubuyisa isithuzi kuMazulu bese beqinisekisa ukuthi baluhola kahle uSuthu luqede endaweni enhle ku log ye Betway Premiership
- Athur Zwane owazakhela udumo esagijima ku Kaizer Chiefs uzitholele amadlelo aluhlaza kuleliqembu laseThekwini kanti uza nolwazi nesipiliyoni kuMazulu asithole ekudlaleni nokuqeqesha inkulisa ye Chiefs neqembu elikhulu lase-Naturena. UMangethe udlale nezinkuzi o Standton Fredericks , Doctor Khumalo , Lifa Gqosha, Cyril Nzama , Brian Baloyi , Thabo Mookie no Jabu Pule beqeqesha uMushin Etrugal , iChiefs isashisa izikhotha iwina izicoco ubuthaphuthaphu. UZwane uqeqeshe esigabeni esiphansi (MDC) nasesigabeni esiphezulu ku Chiefs.
UVusumuzi Vilakazi naye futhi enye insizwa ephethe ulwazi nesipiliyoni sokuqeqesha amakilabu amakhulu eKZN , useke wacija iGolden Arrows abafana besithende kanti ngesizini edlule utakule i Richardbay emidlalweni yama Play-Offs eDSTV Premiership yakwazi ukuvika izembe . Usuthu olumabheshankone lwagcina ukuqeda endaweni enhle ku Top 4 lusasaqeqesha uBENNI MCATHY no Siyabonga Nomvethe , uSuthu lwaba nesizini enhle lwangena ngisho ku Champions League .
