Engingakuveza kakhulu ngokukhubazeka kwami inkinga engihlangabezana nayo ukuthi thina asilutholi usizo ngeqiniso, nasothandweni noma ungathandana okanye ubenobudlelwano nomuntu wakho uthole ukuthi yena uyakwamkela ubunjalo bakho kodwa kubo bengakwamkeli nhlobonhlobo.
Ayikaze ibeyinhle inhlalo njengoba ngikhubazekile okokuqala asiwatholi amathuba omsebenzi, asizitholi izindlu zokuhlala ezifanele thina. Sicela ukubhekeleka nathi kungabi sengathi asikho kodwa kokunye siyadingeka ukuba siziveze njengabahlali noma ingxenyeyomphakathi.
Usuku lwamazwe ngamazwe lwabantu abakhubazekile lolusuku olugujwa minyaka yonke lumayelana nokuqhakambisa amalungelo nenhlalakahle yabantu abakhubazekile kuwo wonke amazinga omphakathi nentuthuko,…
Ukuhlukunyezwa kwabantu besifazane akumele engabe kuyenzeka ngoba into engalungile futhi enomthelela omubi njengoba abanye sike sizwe ukuthi bagcina bedlwengulwa, abanye bashaywe balimale ngendlela embi kodwa akugcini njelapho kuphela abanye bagcina ngokulahlekelwa izimpilo zabo okuyinto ekhombisa udlame ezweni.
Ukuhlukunyezwa kwabesifazane kunomthelela omubi emndenini,emphakathini kanti kugcina kuphazamisa izingane ngokwempilo. Ziphazamiseka nasenqondweni zigcine zingasakwazi nokufunda kahle esikoleni
Ngokombono wami into eyosiza kulenkinga yokuhlukemezeka kwabantu besifazane okuhambisana nodlame, ukuthi umuntu uma ebanjiwe ehlukumeza noma ngaluphi uhlobo avele aboshwe udilikajele, ngoba into eyenzekayo ukuthi umuntu aboshwe aphume abuye azoqhubeka lapho egcine khona.
Into engasiza kulenkinga yokuhlukunyezwa kwabantu besifazane ukuthi uma uHulumeni engaqinisa isigwebo, noma kube esokudilikelwa yijele kubahlukumezi.
IPHEPHANDABA lomphakathi iKZN Namuhla njengoba kuyinyanga kaNovemba liqwashisa ngokukhwabanisa okugujwa umhlaba wonke.
UKUKHWABANISA okwenziwa osopolitiki ikakhulukazi eminyangweni esiza imiphakathi akusiphathi kahle. okokuqala siyayizwa imali kukhulunywa ngayo kwisabelozimali kodwa ushintsho asiluboni.
AKUNGIPHATHI kahle neze ngoba lokho kufadabalisa umnotho ezweni sakhile, abanye bethu bagcine sebeyizisulu zobugebengu, kanye nobubha emindenini eminingi ikati lilala eziko, ngenxa yokuntuleka kwemisebenzi esuke isidalwe yilesihlava senkohlakalo eyenzeka ezwenikazi iNiningizimu Afrika.
