SHEILA MHLONGO
UNgqongqoshe wezokuBusa ngokuBambisana neziNdaba zoMdabu, uMfundisi Thulasizwe Buthelezi usencome oMasipala abambalwa esifundazweni ngomsebenzi wabo oncomekayo ekusetshenzisweni kweSibonelelo Sengqalasizinda kaMasipala (MIG).
Ukusebenza kwabo kahle kuholele ekwabiweni okwengeziwe kwezimali, ezifinyelela ku-R30 million, ziklonyeliswe labo Masipala abaphumelele kakhulu.
Lesi sabelo sizosetshenziselwa ukwenza ngcono ukutholakala kwezidingongqangi ezifana nemigwaqo, amanzi kanye nokuthuthwa kwendle ngaphakathi kwalabo masipala.
UNgqongqoshe uncome omasipala abalandelayo ngomsebenzi wabo oncomekayo abazothola esinye isabelo:
* Umasipala Wesifunda uMgungundlovu: R10 million
* UMasipala wesiFunda iZululand: R6 million
* Umasipala wasoLundi: R3 million
* UMasipala wasoKhahlamba: R1.5 million
* Umasipala Wasekhaya waseKokstad Omkhulu: R7 million
* Umasipala waseBuhlebezwe: R1.5 million
* Umasipala waseMzumbe: R1.5 million
UNgqongqoshe uphinde wagcizelela Ukubaluleka kokuphathwa kwezimali ngobuhlakani kanye nokwenziwa ngenkuthalo ngokwabiwa yengqalasizinda ukuze kugqugquzelwe intuthuko esimeme nokwenza ngcono izinga lempilo yazo zonke izakhamizi zaKwaZulu-Natal.
Impumelelo yalabo masipala iyisibonelo esikhuthazayo sokuthi abanye balingise. Umnyango uzoqhubeka nokuqapha ukusebenza komasipala futhi unikeze ukwesekwa okudingekayo ukuze kuthuthukiswe amandla abo kanye nokuqinisekisa ukuphendula.
