Esithombeni abafundi abaphothule iziqu ze -ICT abavela eDurban Basin- isithombe sithunyelwe
Inkampani yakwa-Engen ibungaze impumelelo yentsha engu-20 ehlala eSouth Durban Basin eqede iziqu ze-ICT ngaphansi kohlelo lwe Engen Global Citizen Development Programme, emcimbini wokuthweswa iziqu obubanjelwe eJacobs ngoMsombuluko, mhlaka 9 Mashi 2026.
Lo mcimbi uphawule ukuphela kohlelo lwamakhono e-ICT oluthathe izinyanga eziyi-12, olwakhelwe ukuhlomisa intsha engasebenzi emiphakathini eseduze ngamakhono edijithali adingeka kakhulu emsebenzini. Lolu hlelo luhlanganise ukufunda emakilasini kanye nokuqeqeshwa emsebenzini.
Abathweswe iziqu bathole iziqu eziqashelwa kuzwelonke ku IT Technical Support kanye ne-IT Systems Development.
UMphathi we-CSI kwa-Engen, u-Olwethu Mdabula, uthe inhloso yalolu hlelo ukuhlomisa intsha ngamakhono, ukuzethemba kanye nolwazi lomsebenzi ukuze bakwazi ukulandela amathuba emisebenzi anentshisekelo emkhakheni we-ICT.
