IMeya kaMasipala weTheku uKhansela Cyril Xaba, wethule inkulumo yakhe emcimbini wokwethulwa kwesahluko seBusiness Ireland South Africa (BISA) eThekwini.
Lesi sithangami simele osomabhizinisi base-Ireland eNingizimu Afrika. IMeya ichaze ukwethulwa njengesahluko esisha esithokozisayo ebudlelwaneni obunesikhathi eside bedolobha ne-Ireland uthe unesiqiniseko sokuthi njengoba sekusungulwe iBISA eThekwini ubudlelwano buya ngokuya bujula. IMeya uXaba iphinde yagqamisa ukukhula okuqhubekayo kwezohwebo phakathi kweNingizimu Afrika ne-Ireland nokuthi iTheku kumele libe nengxenye enkulu kulokhu kuhweba okukhulayo.
