SHEILA MHLONGO
IPhini leMeya kaMasipala weTheku, uKhansela Zandile Myeni, linxuse abaholi besifazane kwezemfundo ukuthi batshale imali ekuzikhuliseni kwabo ngokomsebenzi wabo, wagcizelela ukuthi abaholi abahlonyiswayo badale izindawo ezihlanganisayo neziletha uguquko ezikoleni. IPhini leMeya uMyeni ukhulume nabaholi besifazane kwiSemina Yobuholi Besifazane Esikoleni, ebibanjelwe eMnini Thusong Centre ngaphansi kwesiqubulo esithi: “Invest in Women Leadership, Sheshisa Inqubekelaphambili”.
Lo mcimbi ubuhlanganise othishanhloko besifazane, izinhloko zeminyango nabaholi bezemfundo ukuze kubhekwane nezinkinga ezibhekene nabesifazane ebuholini. Kusukela ekuzulazuleni ezindaweni ezibuswa abesilisa kanye namandla anobuthi endaweni yokusebenza kuya ekunqobeni i-“pull-her-down” syndrome, isemina inikeze inkundla yokwabelana ngamasu okumelana nezinselele nokuhola ngokuzethemba, ukuqina, nomthelela.
