SHEILA MHLONGO
ITheku liyadlondlobala liyidolobhakazi eselidonse amehlo enkampanini enkulukazi ye-e-commerce emhlabeni, i-Alibaba, elungiselela ukwethula imisebenzi yayo yase-Afrika kuqokwe iTheku njengesizinda.
IMeya kaMasipala weTheku, uKhansela Cyril Xaba, uhlangane nabamele uhwebo lwamazwe ngamazwe e-Alibaba ekomkhulu labo e-Hangzhou, e-China, ukuze bahlole ukuthi iTheku lingasebenza kanjani njengendawo yokwethula ikusasa le-Afrika lokuhwebelana ngedijithali.
Njengoba inechweba elisezingeni lomhlaba, inethiwekhi yezokuthutha enwetshwayo, kanye neSikhumulo Sezindiza Samazwe Ngamazwe i-King Shaka, iTheku libekwe kahle njengesango elinobuhlakani phakathi kwe-Afrika nomhlaba.
Ubambiswano luhlose ukuvula izimakethe zomhlaba zosomabhizinisi base-Afrika, ukuvumela ama-SMME endawo kanye nabaqalayo ukuthi bathengise imikhiqizo yabo ngqo ezigidini zabathengi ngokusebenzisa inkundla ye-inthanethi ye-Alibaba enamandla.
