SHEILA MHLONGO
IPhini leMeya kaMasipala weTheku, uKhansela Zandile Myeni, livakashele imijondolo yaseKennedy Road ukuyobheka umonakalo odalwe yilo mlilo oshiye abantu abangaphezu kuka-150 besale dengwane. UKhansela Myeni ulethe usizo obeludingeka kakhulu obeluhlanganisa amaphasela okudla, izingubo zokulala nezipontshi zabashonelwe, okumanje bazohlala isikhashana ehholo lomphakathi.
Amathimba alawula izinhlekelele asebenzele ukulungisa nokubuyisela izinsiza zamanzi nogesi. Evakashele imindeni yabashonile owesifazane oneminyaka engu-25 ubudala nengane enezinyanga ezingu-18 ubudala, uKhansela Myeni udlulise amazwi enduduzo wanxusa omakhelwane ukuthi balekelele lapho bengasiza khona, ngomoya woBuntu.
Uphinde wanxusa umphakathi ukuthi unikele ngeminikelo yokudla, okokugqoka, okokulala, izinto zokwakha nokunye okubalulekile okungaletha induduzo. Ukhumbuze amalungu omphakathi ukuthi aqaphele angashiyi umlilo ovuthayo namakhandlela enganakiwe ngenxa yengozi abasuke benayo.
