SHEILA MHLONGO
UMasipala weTheku ukhathazekile ngokwanda kwezigameko zokulahlwa kwezicubu zezilwane eceleni kwemigwaqo nasezindaweni ezivulekile. Lo mkhuba ubeka engcupheni impilo yomphakathi, imvelo, namazinga enhlanzeko kulo lonke iTheku njengoba uholela ekutheni kuzalele izinambuzane, kube nephunga elibi, kuphinde kungcolise nemithombo yamanzi eseduze. Izicubu ezivame ukutholakala ngezemfuyo nezilwane ezinkulu ezifuywa emakhaya.
UMasipala uzoqhubeka nokusebenzisana nemiphakathi ukuhlonza nokukhuculula izindawo okulahlwe kuzona ngokungemthetho kepha kubalulekile ukuba umphakathi usebenzisane noMasipala.
Ukubika ukulahlwa kwemfucuza ngokungemthetho, izakhamizi zingaxhumana nophiko olubhekelele ukuqoqwa kwemfucuza ku-031 311 8804 noma zithumele i-email ku-DSW@durban.gov.za.
