SHEILA MHLONGO
I-Africa’s Travel Indaba 2025 ibe yimpumelelo enkulu, ngaphezu kwalokhu obekulindelekile ngenxa yomthelela wayo kwezomnotho — kusukela kwezokwakhiwa kwengqalasizinda, izindawo zokuhlala, izindawo zokudlela, kanye nezokuthutha. Umnotho wedolobha uzuze cishe imali elinganiselwa ku-R574 million, kanye nemali ebikhokhelwa izindleko ebalelwa ngaphezu kuka-R232 million. Kuphinde kwadalwa amathuba emisebenzi engaphezu kuka-2 000, ikakhulukazi kuqashwa intsha namalunga omphakathi wendawo, nokuholele emholweni ongaphezulu kuka-R140 million.
Isiqubulo se Africa Travel Indaba salonyaka ‘Unlimited Africa’, nokwenze yaheha izivakashi ezingu-9 967, okukhuphuke ngo-7.4% uma kuqhathaniswa nonyaka odlule. Ihehe amabhizinsi abe khangisa ngemisebenzi yawo ababalelwa ku -1 348 kanye nabaThengi bamazwe omhlaba ababalelwa ku-1 037, ngaphezu kweminyaka emine edlule. Amazwe ase-Afrika abalelwa ku-27 ahambele,lombukiso okuhlanganisa namanye amasha afana njengeChad, St Helena neBurkina Faso.
Lo mcimbi wavulwa ngokusemthethweni nguSekela Mengameli waseNingizimu Afrika uPaul Mashatile kanye noNgqongqoshe wezokuvakasha uPatricia de Lille. Iziphathimandla ezahlukene ezifana ne-South African Tourism, KwaZulu-Natal Tourism & Film Authority, Durban Tourism ne-Durban ICC ziphawule ngempumelelo yomcimbi oqale kusukela ngomhlaka 13- 15 Meyi 2025.
UThembisile Sehloho oyi Chief Marketing Officer kwi South African Tourism bekanye no Sibusiso Gumbi osabambile njenge Chief Excecutive Office KwaZulu-Natal Tourism and Film Authority, bezwakallise ukuthi lempumelelo iwumphumela wokubambisana okuqinile futhi ikhombisa amandla nezinga lokukhula kwemboni yezokuvakasha e-Afrika.uWinile Mntungwa ugcizelele ukuthi nomnotho emalokishini nasezindaweni zasemakhaya uzuzile kakhulu. UGumbi ugcizelele ukubaluleka kokubambisana okuqhubekayo phakathi kwababambe iqhaza, kwathi uMakhanya wagqamisa ukubaluleka kwalomcimbi kubafundi nasemabhizinisini amancane.
UMnyango WezokuVakasha uxhaswe ama-SMMEs abalelwa ku-85 kulo mcimbi, ewavulele amathuba okubambisana nezimakethe zomhlaba. UNgqongqoshe de Lille wagcizelela uhlelo lweminyaka emihlanu yokukhulisa ezokuvakasha, efuna imisebenzi inyuke ibe yizigidi ezingu-2.5 ngo-2030. USekela Mengameli Mashatile uphinde waveza ukuthi ezokuvakasha zabelana ngo-6.8% ku-GDP yase-Afrika ngo-2023, okuhloswe ukuthi kufinyelele ku-10.4% ngo-2030.
Konke lokhu kukhombisa amandla akhona e-Afrika kwezokuvakasha ngaphansi kwesiqubulo esithi ‘Unlimited Africa’.
