SHEILA MHLONGO
Intsha yaKwaZulu-Natali inikezwe ithuba eliyingqayizivele lokungena emnothweni wezasolwandle, lokhu kuza emuva kokuthi abe South African International Maritime Institute (SAIMI) ngokubambisana nabe Fisheries and Aquaculture Development Institute (FADI), bethule iSAIMI Net Making, Repair and Mending pilot project, emcimbini obuwenzelwe eRoyal Natal Yatch Club ese Durban Harbour, emtateni.
Kule project kuhloswe ngayo ukuqeqesha intsha engasebenzi ehlala kwizifundazwe eziseduze nolwandle ukuze ikwazi ukuthola ikhono lokwenza kanye nokukhanda amanethi okudoba.
Kulepilot project kuqeqeshwe intsha ebalelwa ku-15 ehlala ezindaweni ezigudle ulwandle, loluqeqesho olu-accredited luzosiza lentsha ukuthi ikwazi ukulungisa ama nethi isebenzisa itwine kanye nezinye izinsiza. Indlela eqeqeshwa ngayo izokwazi ukwenza ukuthi izenzele imali.
Ikhono lokulungisa nokukhanda amanethi lizophinde lisize intsha ukuthi ingene ezinkampanini ezifana ne-sports nets, cargo nets, storm nets kanye nezinye.
USulaiman Appoles, oyi- Head of Projects enkampanini I-FADI, uchaze wathi, “ leli ithula lokuqala kwintsha engaqashiwe lokuthi ingene emnothweni wezasolwandle kanye nezokudoba.” oweleke ngokuthi kubalulekile ukuthi intsha ingene kulomkhakha wezasolwandle.
Lomcimbi wokwethulwa kwale project ubuthanyelwe uLogan Moodley, ongusihlalo we eThekwini Maritime Cluster, uFrance Nhlapo Secretary: NAFCOC KZN kanye no-Colin Levine, oyi- CEO ye -Oceans Alive Conservation Trust.
Zonke izihambeli ebezithamele lomcimbi zigcizelele ekutheni kubalulekile ukuqinisa ukwakha amabhizinisi emphakathini ukuze yondle imindeni yayo, okuyinto esemqoka ukuthuthukisa umnotho ezindaweni ezakhele eduze nasolwandle.
“Kubaluleke kakhulu ukuthuthukisa imiphakathi ukuze nayo ibambe iqhaza emnothweni wezasolwandle. Iqiniso ukuthi u90% wamathuba omsebenzi ungafundelwa ukuze unikeze abantu ithuba.” kusho uAppoles, oweleke ngokuthi njengoba uqeqesho lu-accredited, okuyinto ezosiza abafundi bangene emkhakheno obanzi kwezokudoba olwandle.
Ngaphezu kwe KZN, uqeqesho luphinde lwenziwe eNorthern Cape, Eastern Cape, kanye nase West Coast. Ukuthola olunye ulwazi mayelana nale project nokuthi ungazibandakanya kanjani, ungaxhumana ne FADI kwi-email: projects@fadi.org.za noma uxhumane no Jeremy Mariillier: CEO FADI on 078 077 4138
