SHEILA MHLONGO
ULUNDI: UNgqongqoshe woMnyango wezokuBusa ngokuBambisana Nezindaba ZoMdabu KwaZulu-Natal, uMfundisi uThulasizwe Buthelezi, wamukele ukwesekwa okusemthethweni kwe-Congress of Traditional Leaders of South Africa mayelana nokwethulwa kohlelo lokuhlinzeka amaKhosi ngezinsiza zokusebenza, okuhlanganisa uhlelo lwezimoto zamaKhosi.
Lokhu kulandela ukwabiwa kwezimoto eMkhandlwini yobukhosi bendabuko engu-30 eholwa amaKhosi. Lolu hlelo luzoqhubeka minyaka yonke kuze kufinyelelwe kuwo wonke amaKhosi esifundazweni.
Lolu hlelo luza ngemva kokuthi i-KZNCOGTA isungule uhlelo lokuqala oluqinisekisa ukuthi wonke amaKhosi aseKZN abe nomshwalense wezempilo, othuthukisa ukufinyelela ezinsizeni zezempilo futhi lubuyisele isithunzi sawo.
UMengameli we-CONTRALESA, uKgoshi Mokoena, uthumele umlayezo wokubonga ku-Ngqongqoshe uButhelezi, waphinde wagcizelela ukuthi wonke amaKhosi kumele azuze kulolu hlelo. Uthe: “Ngqongqoshe wami, qhubeka nokusebenzela amaKhosi, nizokwesekwa yi-CONTRALESA.”
UNgqongqoshe uButhelezi uqhubeka nokuzibophezela ekuqinisekiseni ukuthi abaholi bendabuko bathola ukwesekwa nezinsiza ezifanele isithunzi sabo njengabagcini bemvelo yomphakathi.
